"საუთჰემპტონთან" წაგების შემდეგ ლუი ვან გაალმა ვერ გამოყენებულ მომენტებზე გაამახვილა ყურადღება და დაამატა, რომ სტუმრები კარგად იცავდნენ თავს.
"მიუხედავად იმისა, რომ მატჩში ვდომინირებდით, ბევრი შანსის შექმნა ვერ შევძელით. პირველ წუთზე "საუთჰემპტონს" შანსის შექმნის უფლება მივეცით, მაგრამ შემდეგ დომინირებად, უშანსო ფეხბურთს ვთამაშობდით."
"მომენტების შექმნა მხოლოდ მატჩის მიწურულს შევძელით და მთელი გულით ვთამაშობდით. ფელაინი გამოვიყვანე და ამის შემდეგ სამი მომენტი შევქმენით, მაგრამ ეს საკმარისი არ იყო. ვფიქრობ, მატას სამი მომენტი ჰქონდა, მაგრამ არაუშავს, მატჩის შედეგს უკვე ვეღარ შევცვლით."
"გოლის გატანა იმიტომ ვერ მოვახერხეთ, რომ სტუმრები კარგად იცავდნენ თავს. ისინი ორგანიზებულად თამაშობდნენ. ჩვენთან ფრის სათამაშოდ ჩამოვიდნენ და გამარჯვება წაიღეს. იმედი გამიცრუვდა." - განაცხადა ვან გაალმა.