ვან გაალმა განაცხადა, რომ ბაზარზე "მანჩესტერ იუნაიტედის" ატიურობა განპირობებული იქნება მისი სამიზნეების ხარისხით და არა დროის ფასეულობით.
ჰოლანდიელმა მიმდინარე სეზონში ანხელ დი მარია, დეილი ბლინდი, ლუკ შოუ, ანდერ ერერა, რადამელ ფალკაო და მარკოს როხო გადაიბირა, ხოლო იანვარში მან ვალდესს გაუფორმა კონტრაქტი.
ვან გაალი ყოველთვის მზადაა მოითმინოს, რადგან ესმის, რომ მსოფლიო ბაზარზე ამჟამად ნაკლები მსოფლიო დონის ფეხბურთელია ხელმისაწვდომი.
"როცა არ შემიძლია ჩემი არჩევანი გავაუმჯობესო, მე ვიცდი. შეიძლება ერთი წლით მეტხანს მომიხდეს მოცდა. შესაძლოა ვინმე ფიქრობს, რომ მსოფლიოში უამვარი ფანტასტიური ფეხბურთელია, მაგრამ ასე არ არის."
"თუმცა, არ ვამბობ აუცილებლად ზამხულამდე უნდა მოვიცადო, რათა ჩემი არჩევანი გავაუმჯობესო. ეს ვალდესითაც დავამტკიცე."
"როცა შეგვიძლია შევიძინოთ ფეხბურთელი, რომელიც ჩემს არჩევანს აუმჯობესებს, მაშინ კლუბი მას იყიდის. ფული არ არის საინტერესო. მე მხოლოდ ფეხბურთელების ჩემ განკარგულებაში მყოფ ფეხბურთელებთან შედარებითი ხარისხი მაინტერესებს. მე უნდა შევადარო. მე უნდა გადავწყვიყო. ფული არავითარ როლს არ თამაშობს."
"ახლა, როცა მე "მანჩესტერ იუნაიტედს" ვწვრთნი, უფრო მეტ შეტევით პოტენციალს ველოდები. თუ ამ წელში ვერა, მაშინ მომდევნო სეზონში ან კიდევ უფრო შემდეგ სეზონში. ჩვენ გავუმჯობესდებით და ამას თქვენც დაინახავთ." - განაცხადა ვან გაალმა.