ჯონი ევანსის ელოდება, რომ კვირას გასამართი შეხვედრა ისეთივე რთული იქნება, როგორც "სენტ მერიზე" პირველი წრის მატჩი.

"წითელმა ეშმაკებმა" "საუთჰემპტონი" 1-2 რობინ ვან პერსის დუბლით დაამარცხეს, მაგრამ ამის გაკეთება მოწინააღმდეგის დიდი ზეწოლის ქვეშ მოახერხეს. ჯონი ევანსი მატჩში სათადარიგოთა სკამიდან შევიდა და გუნდის დახმარება მოახერხა.

"მატჩში დაწყებიდან 20 წუთის შემდეგ შევედი და იქიდან გამომდინარე, თუ როგორ ზეწოლას ახდენდნენ ჩვენზე და რამდენად კარგად თამაშობდნენ, ვიფიქრე, რომ ისინი იმ ღამეს ბრწყინვალედ თამაშობდნენ."

"მათ წამიც კი არ მოგვცეს ამოსუნთქვისთვის და ეს თამაშის რიტმის აყოლასა თუ თავად თამაშს ართულებდა. ვფიქრობ, მეორე ტაიმში გადაიღალნენ და ბურთის მიღების საშუალება მოგვცეს. არ ვიცი მოახერხებენ თუ არა ისინი მთელი სეზონის განმავლობაში ასეთი ზეწოლის მოხდენას, მაგრამ ეს შენზე კი არა თავად თამაშზეა დამოკიდებული. ვფიქრობდი, რომ ეს ძალიან კარგად ორგანიზებული გუნდი იყო."

"სათადარიგოთა სკამზე ყოფნისას რონალდ კუმანს ვაკვირდებოდი, რომელიც თავის ფეხბურთელებს მითითებს აძლევდა და შემიძლია ვთქვა, რომ ის უდიდესი ტაქტიკოსია და თამაშზე ბევრს ფიქრობს. ვფიქრობ, ისინი ასე შორს წავლენ." - განაცხადა ევანსმა.

წყარო: manutd.com