ფილ ჯონსს სჯერა, რომ მისი ტრავმირების პერიოდი წარსულში დარჩა და ის პრემიერ ლიგაში წარმატების მისაღწევად "მანჩესტერ იუნაიტედისთვის" საჭირო რიტმს დაიჭერს.

22 წლის მცველმა სეზონი წარმატებით დაიწყო და აგვისტოს თვის საუკეთესო ფეხბურთელადაც დასახელდა, მაგრამ შემდეგ ორჯერ მიიღო ტრავმა, რის გამოც "იუნაიტედის" რიგებში მხოლოდ 9 მატჩის ჩატარება მოახერხა.

"ეს უფრო ისეთ დაზიანებას ჰგავს, რომელიც კალათბურთის მოთამაშესთან ასოცირდება. მტკივნეულია! ყოველ ჯერზე, როცა ტერფზე ვინმე გაბიჯებს, გგონია, თითქოს ვიღაცამ ხანჯალი ჩაგარჭო და ტერფის მეორე მხარემდე გახვრეტას ცდილობს! მაგრამ ამ ყველაფერმა ჩაიარა, გადავლახე და ახლა მხოლოდ მომავალში ვიხედები."

"ჩვენ უკვე ვისწავლეთ თამაშის ასეთი სტილი და ის, თუ რა სურს ვან გაალს. მოთხოვნილებები ძალიან მაღალია, განსაკუთრებით ვარჯიშებზე, მაგრამ სწორედ ეს გვჭირდება და იმედი მაქვს, ყველა პასუხისმგებლობით ეკიდება საქმეს."

"ყველა კარგად ვარჯიშობს, ადგილის დამკვიდრებისთვის დიდი ბრძოლა მიმდინარეობს და იმედი მაქვს სეზონის მიწურულს მაღალ საფეხურზე ვიქნებით. რა სისტემითაც არ უნდა ვთამაშობდეთ, ვიცით რა პოზიციაზე რა გვევალება. თითოეულმა ჩვენგანმა იცის ეს და ვფიქრობ, ჩვენ შეგვიძლია ორივე ფორმაციით თამაში"

"პირველ ყოვლისა უნდა დავრწმუნდეთ, რომ მომდევნო სეზონში ჩემპიონთა ლიგაზე გასვლას მოვახერხებთ. ამის იქით, ვინ იცის? დაე ვნახოთ, სად ვიქნებით მარტსა და აპრილში. თუ ქულების აღებას გავაგრძელებთ და ჩვენ წინ მყოფი ორი გუნდი დაკარგავს, ჩემპიონატის მოგებაც შესაძლებელია." - განაცხადა ჯონსმა.

წყარო: manutd.com