საკვირაო მატჩის წინ, რომელსაც "იუნაიტედი" წმინდანების წინააღმდეგ გამართავს, წითლების მთავარი მწვრთნელი, ლუის ვან გაალი, პრესის წარმომადგენლებს შეხვდა და მათ დასმულ კითხვებს უპასუხა, როგორც ყოველთვის მან ისაუბრა ტრავმირებულებეზე, თუმცა პრეს-კონფერენცია ვალდესის თემით დაიწყო:
"როდესაც შენ ვალდესს აძლევ საშუალებას რეაბილიტაცია გაიაროს შენს გუნდში, რა თქმა უნდა, ამას აკეთებ მისთვისაც და შენთვისაც. მე მქონდა შანსი ის საქმეში მენახა და ჰქონდა თუ არა იგივე დონე, რაც ტრავმამდე. მან ვარჯიშებზე დაამტკიცა რომ მაღალი კლასის მეკარეა და ეს მე ძალიან მახარებს."
ჰოლანდიელს ვალდესისა და დე ხეას კონკურენციაზეც ჰკითხეს:
"მე ამას თქვენთან არასდროს განვიხილავ, ეს არის ჩემი, დავიდის და ვიქტორის საქმე და მხოლოდ მათთან მექნება ამ თემაზე საუბარი. არავინ დაჯერდება ნომერ მეორე მეკარეობას, ამიტომ ვალდესს აქვს ამბიცია აჯობოს კოლეგას, თუმცა ეს ძალიან, ძალიან რთული იქნება."
კითხვაზე, დაიმატებს თუ არა კიდევ ვინმეს "იუნაიტედი" ვან გაალმა ასეთი პასუხი გასცა:
"არა, არა, არა სატრანსფერო გეგმებზე მე თქვენთან არ ვსაუბრობ. შეგიძლიათ 100-ჯერ მკითხოთ, სხვადასხვა ხერხით, თუმცა იგივე პასუხს მიიღებთ."
ამის შემდეგ ლუის კითხვა ტრავმირებულების შესახებ დაუსვეს:
"დიდი მადლობა, მე ბედნიერი ვარ რადგან თქვენ ეს კითხვა დამისვით. ჩვენ მხოლოდ ერთი ფეხბურთელი გვყავს ლაზარეთში, დაიჯერებთ? მხოლოდ ერთი. პირველად, აქ ყოფნის განმავლობაში, შემიძლია არა მხოლოდ სასტარტო, არამედ სათადარიგო მოთამაშეების არჩევაც.
ეს ერთადერთი მოთამაშე ეშლი იანგია, ის ოთხიდან-ექვს კვირამდე გამოტოვებს, თუმცა ამის ვარაუდი შეუძლებელია, რადგან ბარძაყის კუნთი ყველაზე რთულად მოსაშუშებელია. დაგვიბრუნდა დეილი ბლინდი, შეუძლია თუ არა მას თამაში? არ ვიცი, მე უნდა შევხედო მის მდგომარეობას კიდევ.
ანხელ დი მარიამ "იოვილთან" მატჩში მხოლოდ 20 წუთი მიიღო და ეს იმიტომ რომ ის ვერ აჰყვებოდა თამაშის რიტმს. მართალია მე ვთქვი, რომ მყავს მხოლოდ ერთი ტრავმირებული ფეხბურთელი, თუმცა ბევრი მოთამაშე ჯერ კიდევ არ არის 100 პროცენტით მზად, ეს განსხვავებული რამ არის. მე უნდა შევარჩიო საუკეთესო თერთმეტეული, თუმცა ასევე უნდა გავითვალისწილო მეტოქე. "