"მანჩესტერ იუნაიტედში" დავიდ დე ხეას მომავალი ბურუსით იქნება მოცული მანამ, სანამ "წითელი ეშმაკები" ფალკაოს შესყიდვის საკითხს ნათელს არ მოჰფენენ.

მას შემდეგ, რაც დე ხეა პრემიერ ლიგის ერთ-ერთი წამყვანი მეკარე გახდა, ჩემპიონთა ლიგის მოქმედი გამარჯვებული, მადრიდის "რეალი" მისით ძლიერ დაინტერესდა.

მიუხედავად იმისა, რომ დე ხეას კონტრაქტით ჯერ კიდევ 18 თვე აკავშირებს "იუნაიტედთან" და ის 2016 წლის ივნისში იწურება, "იუნაიტედი" მოლაპარაკებების დაწყებას არ ჩქარობს.

ფალკაოსა და დე ხეას ერთი და იგივე აგენტი, ხორხე მენდეში ემსახურება და სწორედ ის გაარკვევს "ოლდ ტრაფორდზე" თავდასმხელისა და მეკარის მომავალს.

სანამ დე ხეას კონტრაქტის პირობებსა და შეძენა არ შეძენის საკითხს ნათელი მოეფინება, "იუნაიტედი" პირველ ყოვლისა ეცდება კოლუმბიელი თავდამსხმელის კონტრაქტის გამოსყიდვის საკითხი გაარკვიოს.

"მონაკოსთან" უკვე შეთანხმებულია სატრანსფერო თანხა 43.2 მლნ. ფუნტის ოდენობით, ისევე, როგორც ფალკაოსთან პირადი კონტრაქტის პირობები, თუმცა ბოლო სიტყვა ლუი ვან გაალს ეკუთვნის.

გამომდინარე იქიდან, რომ ფალკაოს მიმდინარე სეზონში ტრავმები აწუხებდა და მან თავისი შესაძლელობები სრულად ვერ გამოავლინა, ვან გაალი და კამპანია არ ჩქარობენ გადაწყვეტილების მიღებას.

თუმცა, როგორც მოსალოდნელია "იუნაიტედის" ხელმძღვანელობა ფალკაოს შეძენის საკითხს სეზონის ბოლომდე ნათელს მოჰფენს და "პორტუს" და "ატლეტიკოს" ყოფილი ფეხბურთელის შემდეგ ახალი კონტრაქტის პირობებს დე ხეასაც წარუდგენენ.

წყარო: the telegraph