"მანჩესტერ იუნაიტედის" ახალწვეული, ვიქტორ ვალდესი თავისი თანამემამულისა და თანაგუნდელის, დავიდ დე ხეას შესახებ საუბრობს და მას მსოფლიოს საუკეთესო მეკარეს უწოდებს.
32 წლის მეკარე ოქტომბრის შემდეგ "იუნაიტედთან" ერთად ვარჯიშობს და თავის ახალგაზრდა თანამემამულესთან ერთად ყოველდღიურად მუშაობისას დე ხეათი მოხიბლული დარჩა.
"ვფიქრობ, ამ მომენტისთვის დე ხეა მსოფლიოში საუკეთესოა. ყოველდღე და ყოველ მატჩში მისი თამაში ყველას მაღალ დონეს უჩვენებს. მას დიდებული წელი ჰქონდა და ეს ძალიან კარგია. ვფიქრობ, ახლა ის მსოლფიოში საუკეთესოა."
ვალდესმა "იუნაიტედში" თავის გადასვლაზეც ისაუბრა.
"აქ იმისთვის ვარ, რომ ყველას დავეხმარო. ჩემი კარიერის განმავლობაში, ყოველთვის ვცდილობდი თანაგუნდელებს, მწვრთნელსა და საერთოდ, ყველას დავხმარეობოდი. მე ვარ გუნდის ნაწილი და არა პრობლემა. თუ ვთამაშობ, მე ყოველთვის კარგ თამაშზე ვფიქრობ და ვცდილობ დავეხმარო სხვა თანაგუნდელებს, ისევე როგორც მთლიან გუნდს." - განაცხადა ვალდესმა.