"ბარსელონას" სპორტული დირექტორის, ანდონი სუბისარეტას გათავისუფლებისა და მისი ასისტენტი, კარლეს პუიოლის გადადგომის შემდეგ "ნოუ კამპზე" ლუის სუარესის მომავალი ეჭვქვეშ დადგა.

კატალონიურ კლუბში ურუგვაელი ფორვარდი დაკვირვების საგანი გახდა მას შემდეგ, რაც "ლივერპულის" დატოვებასთან ერთად გოლის გატანის ინსტინქტიც დაკარგა.

"ენფილდიდან" 75 მლნ. ფუნტის სანაცვლოდ "ნოუ კამპზე" გადასვლის შემდეგ სუარესმა 12 მატჩში 3 გოლის გატანა მოახერხა და მისდამი პრემიერ ლიგის ტოპ-კლუბები იჩენენ ინტერესს.

"არსენალი" ადრეც ცდილობდა მის შეძენას, მაგრამ "მანჩესტერ სიტი", "მანჩესტერ იუნაიტედი" და "ჩელსი" მომდევნო 5 თვის განმავლობაში სუარესის მთავარი დამკვირვებლები იქნებიან.

ვარკსვლავური ფეხბურთელის ვერ გამართლების გამოცდილება "ბარსელონას" უკვე აქვს მიღებული, როცა ზლატან იბრაჰიმოვიჩმა პეპ გვარდიოლას გუნდში თავის დამკვიდრება ვერ მოახერხა.

მიუხედავად იმისა, რომ "ბარსელონა" სუარესთან ნაადრევ განშორებას არ ლამობს, "ნუ კამპზე" არსებული ახალი რეჟიმის ფონზე ის შეიძლება მომდევნო იმედგაცრუებად იქცეს.

წყარო: dailymail