"იუნაიტედი" "წმინდანებისთვის" მზადაა.
კვირას "ოლდ ტრაფორდზე" ერთმანეთს პრემიერ ლიგის ცხრილში მესამე და მეოთხე ადგილებზე მყოფი გუნდები ხვდებიან და "წითელ ეშმაკებს" იმედი აქვთ, რომ 8 ნოემბერს დაწყებულ წაუგებელ სერიას გააგრძელებენ, რომელმაც უკვე 11 მატჩიან ნიშნულს მიაღწია.
ჩვეულებრივ, იანვარი იყო თვე, როცა "იუნაიტედი" გამორჩეულ შედეგებს აჩვენებდა. კლუბის მიერ უკანასკნელად მოპოვებული ორი სეზონის განმავლობაში "იუნაიტედი" ახალ წელს დაუმარცხებლად ხნსიდა. 2010/11 წლების სეზონში კლუბმა ახალი წლის შემდეგ ზედიზედ 6 გამარჯვება მოიპოვა, 2012/13 წლების სეზონში კი 4 გამარჯვება და ორი ფრე.
მიუხედავად იმისა, რომ ლონდონის "ჩელსი" და "მანჩესტერ სიტი" საგრძნობლად დაწინაურდნენ, ლუი ვან გაალის შეგირდები ჩემპიონობისთვის ბრძოლაში იმედს არ კარგავენ და პოზიტიურ განწყობაზე იმყოფებიან.
"ახალ წელს კარგი შედეგებით დაბრუნება გაწეული სამუშაოს დაფასებაა და სატურნირო ცხრილში მაღლა ასვლისთვის კიდევ უფრო მეტი ძალისხმევა და ქულების დაგროვებაა საჭირო."
"მოედანზე ყველაფერი უნდა გავაკეთოთ რაც შეგვიძლია და ინდივიდუალურად უნდა ვეცადოთ დამატებით სამუშაოს გავუმკლავდეთ." - განაცხადა კრის სმოლინგმა.
მონდომება, გუნდური სული, გოლის გატანის ოსტატობა - აი ის კრიტერიუმები მრავალთა შორის, რომელიც "იუნაიტედს" მესამე ადგილზე ასასვლელად დასჭირდა, მაგრამ მაისამდე კიდევ უფრო მეტი იქნება საჭირო, რადგან "იუნაიტედი" ორ ფრონტზე, ჩემპიონატისა და თასის გათამაშებაში იბრძვის.
"ვფიქრობ, ყველაზე მნიშვნელოვანია მწვრთნელის მიერ მოცემული მითითებების მიმდევრობა, რადგან ჩვენი უკანასკნელი შედეგიდან გამომდინარე მდგრადობას ვიძენთ."
"ვფიქრობ, ჩვენ ვაჩვენეთ ჩვენი გუნდური სული ისეთ მატჩებში, სადაც გოლი პირველებმა გავუშვით და ანგარიშის გათანაბრება იყო საჭირო. მნიშვნელობა არ აქვს რა პოზიციაზე ვართ, ჩვენ ბედნიერები ვართ და ერთად ვმუშაობთ."
"თუ მდგრადობას შევინარჩუნებთ და ვარჯიშებზე მუშაობას გავაგრძელებთ, ყველაფერი კარგად იქნება." - დაასრულა სმოლინგმა.
წყარო:
manutd.com