"ვესტ ჰემის" შემადგენლობაში ბოლო 2 სეზონია უინსტონი მართლაც შთამბეჭდავად გამოიყურება და თითქმის შეუცვლელ მოთამაშედ იქცა. ეს ინგლისელი გიგანტების სკაუტებს არ გამოჰპარვიათ და რიდის თავის გუნდში ხილვა სურთ, მათ რიცხვს კი: "არსენალი", "მანჩესტერ იუნაიტედი" და "ლივერპული" მიეკუთვნება.

გუნდის შეცვლის კიდევ ერთი წინაპირობა, მის მიერ ახალი კონტრაქტის არ მიღებაა, რაც იმას ნიშნავს რომ 6-თვის შემდეგ ახალგაზრდა მცველი კარიერას სხვა გუნდში გააგრძელებს, თუმცა ეს უფრო მალეც შეიძლება მოხდეს. "ჩაქუჩების" ხელმძღვანელობა სავარაუდოდ იანვარში ეცდება ახალ ზელანდიელი გაასხვისოს, რადგან წინააღმდეგ შემთხვევაში ზაფხულში იგი უსასყიდლოდ წავა გუნდიდან. ლონდონელებმა უინსტონს 8 მილიონი ფუნტი დაადეს ფასად.

როგორც უკვე ვთქვით, რიდს მსურველები ჰყავს, თანაც გვარიანი გუნდები. მაგრამ მაინც სად გადაწყვეტს წასვლას თავად ფეხბურთელი?

ლუი ვან გაალის რევოლუციასთან შეერთება, რიდისთვის საუკეთესო ვარიანტი უნდა იყოს, რადგან ზემოთ ჩამოთვლილთაგან "იუნაიტედი" ყველაზე დიდი გუნდია.

ჯერ არ არის ცნობილი რას მიანიჭებს რიდი უპირატესობას, მაგრამ თუ მისთვის ხელფასი და ფულის მოხვეჭაა უპირველესი ამოცანა, ამ შემთხვევაშიც საუკეთესო არჩევანი "ეშმაკების ბანაკია", რადგან წითლებს ნამდვილად შეუძლიათ დიდი ფულის გაღება.

"იუნაიტედში" გადასვლით უინსტონი არც სათამაშო დროზე იდარდებს, რადგან მცველების გაუთავებელი ტრავმიანობა სწორედ მის წისქვილზე დაასხავს წყალს, თუმცა შესაძლოა სწორედ ტრავმის შიშმა გადააფიქრებინოს მას "ოლდ ტრაფორდზე" გადასვლა.

ზელანდიელსთვის გადაწყვეტილების მიღება მართლაც რთული იქნება და იმედია საუკეთესო ვარიანტს აარჩევს.



წყარო: yahoo sports