"მანჩესტერ იუნაიტედის" ყოფილმა მწვრთნელმა დევიდ მოიესმა, ადნან იანუზაიზე ისაუბრა და ბელგიელი შეაქო.
მოიესი, რომელიც ახლა უკვე "რეალ სოსიედადს" ხელმძღვანელობს, მიიჩნევს, რომ "ოლდ ტრაფორდზე" ბელგიელს დიდი და ნათელი მომავალი აქვს.
"როდესაც დავინახე მისი თამაში, მაშინვე გადავწყვიტე ადნანი ტურნეზე წამეყვანა. იგი ჯერ კიდევ ბავშვია, მაგრამ გამარჯვება სწყურია. ტურნეზე მან ნამდვილად თავი გამოიჩინა."
"ის საკუთარ თავში დარწმუნებულია და საქმეს გონივრულად ეკიდება. ბუნებამ მას ბრწყინვალე ნიჭი უბოძა. როდესაც მის თამაშს ვუყურებ, იოჰან კრუიფი მაგონდება."-განაცხადა შოტლანდიელმა