დარენ ფლეთჩერმა თავისი ახალგაზრდა თანაგუნდელი, პედი მაკნეირი შეაქო, რომელმაც "იოვილთან" სათასო მატჩში კარგი შეხვედრა ჩაატარა, მიუხედავად იმისა, რომ მატჩის უმეტესი ნაწილი თავის ტრავმით ითამაშა.

"ჰიუიშ პარკზე" პირველი ტაიმის მიმდინარეობისას პედი "იოვილის" თავდამსხმელს, კიფერ მურს შეეჯახა და ორივე მათგანი რამდენიმე წამით მოედნის ფარგლებს გარეთ სამედიცინო დახმარების აღმოსაჩენად გავიდა.

პირველი ტაიმის შემდეგ შოუსა და რაფაელის ტრავმებმა აჩვენა, რამდენად მნიშვნელოვანი იყო მოედანზე მაკნეირის დარჩენა. სწორედ ტრავმირებულმა ახალგაზრდა ფეხბურთელმა დაიკავა მარჯვენა ფლანგი რაფაელის გასვლის შემდეგ, რის გამოც დარენ ფლეთჩერის შექება დაიმსახურა.

"ყოჩაღ ფეხბურთელებს, მაგრამ შეხედეთ მაკნეირს. ის სისხლიანი თავით თამაშობდა, რომელიც ტედი ბუტჩერმა შეუხვია, მაგრამ მარჯვენა ფლანგზე დადგა და თავისი ხასიათი გამოავლინა. ვამაყობ მისით."

"რამდენიმე ფეხბურთელს არასდროს უთამაშია ინგლისის თასზე, მაგრამ დღეს მედგრად იდგნენ და გუნდს კარგი შედეგის მიღებაში ეხმარებოდნენ." - განაცხადა ფლეთჩერმა.

"იუნაიტედმა" 64-ე წუთზე ანდერ ერერას გოლის წყალობით ანგარიში გახსნა, რასაც ანხელ დი მარიას გოლი დაერთო შეხვედრის მიწურულს. ფლეთჩერს მიაჩნია, რომ კიფერ მურის მიერ გაფუჭებული მომენტი შეხვედრის გადამწყვეტი ფაქტორი გამოდგა.

"მათ ერთი კარგი მომენტი ჰქონდათ. ის ვერ გამოიყენეს, რაც რთული უნდა ყოფილიყო, მაგრამ ასეთ რამეს ყოველთვის უნდა ელოდე. ჩვენდა საბედნიეროდ მათ ვერ მომენტი ვერ გამოიყენეს და შემდეგ ანდერმა ფანტასტიური გოლი გაიტანა. ხანდახან მატჩების მოსაგებად ასეთი მაგიური მომენტები გჭირდება."

წყარო: manutd.com