დორტმუნდის "ბორუსია" მზადაა "მანჩესტერ იუნაიტედის", "ჩელსის" "არსენალისა" და "ლივერპულის" სატრანსფერო სამიზნის, ილკაი გიუნდოგანის შესახებ შეთავაზება განიხილოს.

გერმანულ პრესაზე დაყრდნობით, ნახევარმცველს იურგენ კლოპის გუნდთან კონტრაქტის გახანგრძლივება არ სურს.

გიუნდოგანის მიმდინარე კონტრაქტი 2016 წლის ზაფხულში იწურება და გამომდინარე იქიდან, რომ მან შეიძლება კლუბი თავისუფალი აგენტის სტატუსით დატოვოს, გერმანულ გუნდს სურს ლევანდოვსკის შემთხვევაში დაშვებული შეცდომა არ გაიმეოროს.

24 წლის ფეხბურთელის შეძენაში "მანჩესტერ იუნაიტედი" ლიდერობს და როგორც გიუნდოგანი აცხადებს, ის მზად არის პრემიერ ლიგაში საკუთარი ძალები გამოსცადოს.

"გერმანიის ფარგლებს გარეთ თამაში ჩემი მიზანია."

"თუ ბუნდესლიგას დავტოვებ, მინდა ესპანეთის ან პრემიერ ლიგის რომელიმე დიდ გუნდში ვითამაშო." - განაცხადა ილკაიმ.

წყარო: express.co.uk.