"მკ დონსთან" მიღებული ცუდი გამოცდილებიდან გამომდინარე თქვენ ძლიერ შემადგენლობას დააყენებთ თუ ცვლილებებს გააკეთებთ?
ჯერ უნდა გავიგო რომელი მოთამაშეა მატჩისთვის მზად. 7 დღეში 3 თამაში გავმართეთ, "ტოტენჰემთან" მატჩი წინა მატჩის შემდეგ ორ დღე-ღამეზე ნაკლებ დროში ჩატარდა, ამიტომ ჩემი ფეხბურთელების კუნთები ისეა გამაგრებული, როგორც არასდროს, ისინი დაიღალნენ. მათ თამაშამდე უნდა დავაკვირდე, როგორც ამას ადრე ვაკეთებდი. თქვენ იცით, რომ არჩევანს სწორედ ასე ვაკეთებ. დაინახავდით, რომ ეშლი იანგი ვერ უმკლავდება დატვირთვებს და მიზეზი ნათელია.
"მკ დონსთან" მატჩმა თქვენ დაბალი დივიზიონის გუნდების ხასიათი გაჩვენათ...
არა, არა. ეს ჯერ კიდევ "აიაქსსა" და "ბარსელონაში" ვიცოდი. მეორე დივიზიონის კლუბებთან დავმარცხდი. ეს ინგლისური ფეხბურთის განსაკუთრებულობა არ არის. ეს... როგორ გითხრათ... გლადიოლუსია! გლადიოლუსის მატჩი! ან კვდები, ან გლადიოლუსებს იღებ (ჰოლანდიური ანდაზა). ასე ხდება სათასო შეხვედრებშიც. ასე შეიძლება წააგო ან მოიგო. რა თქმა უნდა, "მკ დონსთან" უნდა მოგვეგო, მაგრამ წავაგეთ. რა მივიღეთ ამ მატჩისგან? ის, რასაც ყოველი მარცხის შემდეგ ვიღებთ. არასწორად ვითამაშეთ. მაგრამ ეს "მანჩესტერ სიტისა" და "სუონსისთან" მატჩის შემდეგაც ვიცოდით. გუნდი შეცდომებს უშვებდა. ჩვენ მატჩების ანალიზს ვახდენთ, ფეხბურთელებს ყველაფერს ვუხსნით, ვვარჯიშობთ მომდევნო დღეს და იმედი გვაქვს, შემდეგში უკეთ ვითამაშებთ.
ინგლისის თასს თქვენს პირველ სეზონში ტიტულის მოგების საუკეთესო საშუალებად მიიჩნევთ?
დიახ, ასე ვფიქრობ. წარმატებამდე ეს ყველაზე მოკლე გზაა. მართალი ხართ. მე და ჩემი ფეხბურთელები ძალიან დაინტერესებულნი ვართ ამ ტურნირით.
შეგიძლიათ თვენი სამწვრთნელი კარიერის განმავლობაში ყველაზე შოკისმომგვრელი სათასო მატჩი გაიხსენოთ? ვის წინააღმდეგ იყო? მეორე დივიზიონის ერთ-ერთი გუნდი, რომელიც უკვე ახსენეთ? და რას გრძნობდით მატჩის შემდეგ?
დაბალი დივიოზინის გუნდების წინააღმდეგ თამაში ყოველთვის შოკია. თქვენ მიგაჩნიათ, რომ უნდა მოიგოთ, მაგრამ ფეხბურთში ყველაფერი ასე არ ხდება. "აიაქსთან" ერთად "კამბურთან" წამიგია, "ბარსელონასთან" ერთად კი მესამე დივიზიონის გუნდის წინააღმდეგ წამიგია. მეტის გახსენება არ შემიძლია! მეხსიერებიდან ყველაფერი წამეშალა. მაგრამ წაგვიგია. და მე კრიტიკის ქარ-ცეცხლში გავეხვიე ჰოლანდიაშია და ესპანეთში. ამიტომ იმედი მაქვს, რომ თქვენ ჩვენს მიმართ უფრო მეტ... ინგლისურად როგორ უნდა ვთქვა?..