დენის ლოუს მიაჩნია, რომ ინგლისის თასს ჯერ კიდევ არ დაუკარგავს განსაკუთრებული აურა, რომელიც ყოველთვის თან ახლდა გათამაშებას და ფიქრობს, რომ "იოვილ თაუნთან" "მანჩესტერ იუნაიტედს" იგივე ატმოსფერო ელოდება.

"თქვენ თვითონაც იცით, რომ არასწორი არ ვიქნები თუ ვიტყვი, რომ ინგლისის თასი აღარ არის ისეთი, როგორიც ადრე იყო, მაგრამ ის ჯერ კიდევ რჩება პრესტიჟულ ტურნირად. ჩემპიონთა ლიგას უფრო მეტი ყურადღება ექცევა, მაგრამ ინგლისის თასი დაუჯერებელ მოვლენად რჩევა იმ გუნდებისთვის, რომლებიც ტურნირზე შორს მიიწევენ."

"თასის ფინალში გასვლა ჩვენი ოცნება იყო. დიდი ოცნება. მე მხოლოდ ერთხელ ვითამაშე ფინალში და ვამბობდი, რომ თუ მოვიგებდი დაე მეტად აღარ მომეგო, მაგრამ ამაზე ისევ ვოცნებობდი. როცა ფინალში ორი გუნდი გადის, ეს ყოველთვის სუპერ-მატჩი გამოდის. შენთვის სულერთია ვინ თამაშობს, რადგან ეს გრანდიოზული მატჩია."

"შესაძლოა თასის გათამაშება კიდევ უფრო დიდი გახდეს, რადგან ის BBC-ზე დაბრუნდა. ტელევიზორით დაბალი დივიზიონის რამდენიმე ფეხბურთელი მინახავს და ამით სიამოვნებას ვიღებდი. შენ ყოველთვის გინდა, რომ სუსტებმა გაიმარჯვონ. ყოველთვის საუკეთესო გუნდი ვერ იმარჯვებს. თუმცა კვირას მხოლოდ "იუნაიტედს" დავუჭერ მხარს." - განაცხადა ლოუმ.

წყარო: manutd.com