"მანჩესტერ იუნაიტედის" ლეგენდა, პოლ სქოულზი სტივენ ჯერარდის გადაწყვეტილების შესახებ საკუთარ აზრს გვიზიარებს.

"ლივერპულის" ლეგენდარულმა კაპიტანმა, სტივენ ჯერარდმა სეზონის ბოლოს კლუბის დატოვების გადაწყვეტილება მიიღო.

როგორც მოსალოდნელია, ჯერარდი სეზონის ბოლოს მერსეისაიდულ კლუბს შეელევა და კარიერას ამერიკის შეერთებულ შტატებში გააგრძელებს.

პოლ სქოულზი აცხადებს, რომ მას არასდროს გასჩენია მსგავსი სურვილი, მაგრამ სტივენის ესმის.

"ადრეც მითქვამს, რომ ჯერარდს კიდევ რამდენიმე სეზონის განმავლობაში შეეძლო "ლივერპულის" რიგებში მაღალ დონეზე თამაში. ზაფხულში კლუბის დატოვება მისთვის რთული გადაწყვეტილებაა. ყველაზე რთული ის არის, რომ გადაწყვიტო, თუ როდის წახვიდე. საკუთარ თავს ეკითხები: "შემიძლია ჩემპიონატში 15-25 მატჩის მაღალ დონეზე ჩატარება და მუზეუმის ღირსშესანიშნაობად ქცევა?"

"ასეთი რამ მეც გამომივლია და პირველად ძალიან ადრე დავასრულე კარიერა. ჩემი გადაწყვეტილება "მანჩესტერ იუნაიტედში" თამაში იყო და არაფერი სხვა. არასდროს მინდოდა სხვა კლუბში თამაში ან შტატებში გადასვლა, მაგრამ ჯერარდის მესმის. ყოველთვის ვფიქრობდი, რომ ჯერარდი "ლივერპულში" დარჩებოდა, შემდეგ კი მწვრთნელის თანამდებობას დაიკავებდა. ისე, როგორც ეს რაიან გიგზმა გააკეთა "მანჩესტერ იუნაიტედში".

"დარწმუნებული ვარ, რომ ცხოვრების ამერიკულ სტილსა და ევროპულ კლუბში თამაშს თავისი მიმზიდველი მხარეები აქვს. ჯერარდი შეერთებულ შტატებში ფეხბურთზე დიდ გავლენას მოახდენს. ამასთან ერთად, სეზონის ბოლომდე ჯერ კიდევ დიდი დროა და შეიძლება ის გაკვირვებული დარჩეს, რადგან მისი გადაწყვეტილება შეიძლება შეიცვალოს, რამდენადაც არ უნდა მიაჩნდეს, რომ ის საბოლოოდ მიღებულია."

"სტივენი უკანასკნელი 20 წლის განმავლობაში საუკეთესო ფეხბურთელია და ამაში არავითარი ეჭვი არ არსებობს. ასეთი დონის ფეხბურთელმა არაერთხელ უნდა მოიგოს ჩემპიონატი. მიუხედავად იმისა, რომ "ლივერპული" ხშირად ცდილობდა ამას - ჟერარ ულიეს, რაფა ბენიტესისა და ბრენდან როჯერსის დროს - ისინი არასდროს ტოვებდნენ ისეთი გუნდის შთაბეჭდილებას, რომელიც მომავალი ჩემპიონი იქნებოდა."



"მე, როგორც "მანჩესტერ იუნაიტედის" ქომაგს მიჭირს თქმა: "ვწუხვარ, რომ ჯერარდმა პრემიერ ლიგა ვერ მოიგო." უფრო იოლია თქმა - მას პრემიერ ლიგის ოქროს მედალი ეკუთვნის. თუ კი სტივენს კლუბის დატოვების დრო ოდესმე ჰქონდა, ეს იყო 2005 წელს ჩემპიონთა ლიგის მოგების შემდეგ, როცა მისით "ჩელსი" ინტერესდებოდა. ყოველთვის მქონდა ისეთი შეგრძნება, რომ ჩელსი ტიტულს ერთზე მეტჯერ მოიგებდა."

"მოიძებნება ისეთი ადამიანებიც, ვინც იტყვის, რომ "ჩელსის" რიგებში ტიტულის მოგებას ნაკლები მნიშვნელობა ექნებოდა, მაგრამ არ დაგეთანხმებით. ტრანსფერები - ფეხბურთის ნაწილია. გამიმართლა, რომ ჩემი კლუბი საკმაოდ ძლიერი იყო და "იუნატიედთან" ერთად ჩემი ამბიციების დაკმაყოფილება შევძელი. მაგრამ, როცა ტიტულს იგებ, გრძნობა ერთი და იგივეა იმ კლუბშიც, რომელშიც კარიერა დაიწყე და იმ კლუბშიც, რომელშიც 30 მლნ. ფუნტის სანაცვლოდ გადახვედი."

"მეჩვენება, რომ მის მიერ "ლივერპულის" დატოვების გადაწყვეტილებაზე კლუბის ამჟამინდელმა მდგომაროებამაც იმოქმედა - წინა სეზონთან შედარებით, კლუბი გაცილებით შორსაა ჩემპიონობისგან, შარშან სულ სხვა სიტუაცია იყო." - აცხადებს პოლ სქოულზი.

წყარო: carrick.ru