პოპულარული იტალიური გამოცემის TuttoSport-ის ცნობით, "იუვენტუსმა" ხუან მატას გადასაბირებლად "იუნაიტედს" სატრანსფერო შეთავაზება გაუკეთა, თუმცა უშედეგოდ. "იუნაიტედმა" მალევე თქვა უარი იტალიელების შეთავაზებაზე. სერია ა-ს კლუბი უესლი სნეიდერის და შაქირის მიმართ იჩენს ინტერესს, თუმცა უკვე რამდენიმე თვეა მატას კანდიდატურას ფავორიტად განიხილავდა.
როგორც ჩანს, ესპანელი ნახევარმცველი ვან გაალის სამომავლო გეგმებში შედის და ეს ბუნებრივიცაა, მიმდინარე სეზონში მას უკვე ხუთი გოლი აქვს გატანილი და სამი ასისტი გაკეთებული, თუმცა ციფრები გუნდში მის მნიშვნელობას კარგად ვერ ასახავს.