ჯონი ევანსი დარწმუნებულია, რომ ზედიზედ ორი ფრის შემდეგ "მანჩესტერ იუნაიტედი" მოგებათა სერიას დაუბრუნდება.
"წითლებმა" "ტოტენჰემისა" და "სტოკ სიტის" წინააღმდეგ გასვლით მატჩებში ფრე ითამაშეს და როცა ევანსს ჰკითხეს, იყო თუ არა ეს დაკარგული ქულები, მან უპასუხა:
"რა თქმა უნდა. ჩვენ მოთმენის უნარი უნდა გვქონდეს, ეს მნიშვნელოვანია. ვფიქრობ, ბოლო რამდენიმე შეხვედრაში ჩვენ უკეთ ვითამაშეთ და უფრო მეტი მონდომებით ვასპარეზობდით. გუნდში ჩვენი როლი გვესმოდა და პოზიციურად ახლა უფრო ორგანიზებულნი ვართ. მაგრამ ჩვენ მოთმენა უნდა შეგვეძლოს და იმედია შედეგები თავისით მოვა."
"იუნაიტედის" უკანასკნელი ოთხი შეხვედრიდან სამი სტუმრად გაიმართა და ლუი ვან გაალის შეგირდები მომდევნო მატჩს ასევე გასვლაზე, ინგლისის თასის რანგში გამართავენ.
"ძალიან რთულია, განსაკუთრებით გასვლაზე, რადგან ყოველთვის რთული მატჩი გელოდება. მწვრთნელს რამდენიმე ტრავმირებული ფეხბურთელი ჰყავდა, რაც როტაციის საშუალებას კიდევ უფრო უმცირებს და იგი ვერ ახერხებს როტირებას ისე, როგორც მას სურს."
ჩრდ. ირლანდიელი მცველი, რომელიც თავის 27-ე დაბადების დღეს აღნიშნავს, კლუბს მოუწოდებს ინგლისის თასისთვის იბრძოლოს.
"ისეთი კლუბი, როგორიც ეს არის და ისეთი მწვრთნელი, რომელიც კლუბში თავის პირველ სეზონს ატარებს, ტურნიზე კარგი გამოსვლითვის მზად უნდა იყოს."