"იოვილ თაუნის" მთავარმა მწვრთნელმა, გარი ჯონსონმა თავისი ფეხბურთელები გააფრთხილა, რომ "მანჩესტერ იუნაიტედის" რიგებში მყოფი ფეხბურთელების ვარსკვლავურმა სახელებმა მის გუნდს მომდევნო ეტაპზე გასვლის მიზანი არ უნდა შეიცვალოს.
"ჩვენ კლუბს ინგლისის თასზე განსაკუთრებული რეპუტაცია აქვს. პრემიერ ლიგაში არასდროს გვითამაშია, მაგრამ ჩვენ მაღალი დივიზიონის 17 გუნდი გამოვთიშეთ გათამაშებას და დიდებული იქნებოდა, ამ მაჩვენებლის გაუმჯობესება მსოფლიოს ერთ-ერთი ყველაზე დიდი კლუბის წინააღმდეგ რომ მოვახერხოთ."
"თუმცა, ეს მხოლოდ მაშინ მოხდება, თუ მაქსიმალურად ვიქნებით კონცენტრირებულნი. თუ ჩვენი ფეხბურთელები მათ ვარსკვლავებთან ფოტოების გადაღებას დაიწყებენ და მოილაპარაკებენ იმის შესახებ, რომ მატჩის შემდეგ მაისურები გაცვალონ, ასეთი რამ არ მოხდება." - განაცხადა ჯონსონმა.