"ასტონ ვილასა" და "ტოტენჰემის" წინააღმდეგ გასვლაზე ფრედ დასრულებული მატჩების შემდეგ ახალი წელი "იუნაიტედმა" გასვლით მატჩებში ზედიზედ მესამედ ნათამაშები ფრით დაიწყო, როცა "სტოკ სიტის" წინააღმდეგ მატჩი 1-1 დაასრულა.
ლუი ვან გაალმა "ბრიტანიაზე" გამართული მატჩის წინ განაცხადა, რომ მისმა გუნდმა მიმდინარე სეზონში მხოლოდ "არსენალი" და "საუთჰემპტონი" დაამარცხა გასვლით მატჩებში და რადგანაც მათ სიას არც "სტოკის" სახელი შეემატა, ჯონსი აცხადებს: "გარკვეულწილად კარგად ვითამაშეთ, მაგრამ ვერ შევქმენით იმდენი მომენტი, რამდენიც გვინდოდა. ვფიქრობ, საბოლოო ფრე სამართლიანი შედეგია."
როცა ჯონსს ჰკითხეს, რა უნდა მოიმოქმედოს გუნდმა, რათა ფრე გასვლით მატჩებში გამარჯვებად აქციოს, მან უპასუხა: "ვფიქრობ, მიზეზი შესაძლოა არის ბოლო პასი, უკანასკნელი ბურთი. მაგრამ "სტოკთან" რაც გავაკეთეთ, ყველაფერს შევაფასებთ და შევეცდებით გავუმჯობესდეთ"
მარკ ჰიუზისა და ვან გაალის გუნდებს, ისევე როგორც წინა წელს რთული ამინდის პირობებში მოუხდათ თამაში. 11 თვის წინ, 1 თებერვალს "ბრიტანიაზე" ასევე ქარიანი და წვიმიანი ამინდი იყო და "იუნაიტედმა" მაშინაც პირველმა გაუშვა გოლი, თუმცა განსხვავებით გუშინ გამართული შეხვედრისგან, "წითელმა ეშმაკებმა" შეხვედრა წააგეს. ამჯერად შეხვედრის უკანასკნელი გოლი ფალკაოს ანგარიშზეა და ჯონსი ეთანხმება მოსაზრებას, რომელიც გულისხმობს, რომ "იუნაიტედი" სწორ გზას ადგას. "ვფიქრობ, სტაბილურად მოთამაშეები ვხდებით.
"ჩვენ შეიძლება დავმარცხებულიყავით კიდეც, მაგრამ მიუხედავად ამისა, მიმაჩნია, რომ ორი ქულა დავკარგეთ. შესაძლოა, "ტოტენჰემთან" სამივე ქულა რომ აგვეღო, ამ შედეგს უფრო დადებითად შევხედავდით."
"საბოლოოდ, ჩვენ კიდევ ერთი ფრე ვითამაშეთ, მაგრამ არ უნდა დავღონდეთ და "იოვილის" წინააღმდეგ კარგი მატჩი ჩავატაროთ." - განაცხადა ჯონსმა.