"მანჩესტერ იუნაიტედის" მთავარ მწვრთნელს, ლუი ვან გაალს, იმედი აქვს რომ, ლიგის თასზე რანგით დაბალი დივიზიონის გუნდთან, "მილტონ კეინსთან", მიღწეული შედეგი აღარ განმეორდება და მისი გუნდი მოახერხებს შემდეგ ეტაპზე გასვლას.

სეზონის სტარტზე, წითლები რადუკალურად შეცვლილი შემადგენლობით "მქ სტეიდიუმს" ესტუმრნენ და სამარცხვინო მარცხი იწვნიეს. კარლ რობინსონის შეგირდებმა მეტოქეს 4 უპასუხო გოლი გაუტანეს და პირში ჩალა გამოვლებული დატოვეს. დე ხეას კარი ორ-ორჯერ აიღეს უილ გრიგმა და ბენიკ აფობემ.

მას შემდეგ ბევრი რამ შეიცვალა და 10-მატჩიანი წაუგებელი სერიით, "ოლდ ტრაფორდის" ბინადარნი "ჰუიშ პარკს" მიაშურებენ, FA-ს გათამაშების მესამე რაუნდის მატჩისთვის. მიუხედავად ასეთი კარგი შედეგისა, ჰოლანდიელი სპეციალისტი მაინც უფრთხის მომავალ მეტოქეს და არ სურს 26 აგვისტოს განცდილი მარცხის განმეორება.

"ასეთ გუნდებთან თამაშის გამოცდილება უკვე მაქვს, "მილტონ კეინიც" ლიგა ერთის გუნდია. თასის მატჩებში ვერაფერს იწინასწარმეტყველებ, შენ აუცილებლად უნდა გაიმარჯვო, რადგან წინააღმდეგ შემთხვევაში გავარდები. ჩვენ უნდა დავამარცხოთ "იოვილი", თუმცა ინგლისის ყველა გუნდს სურს "იუნაიტედთან" გამარჯვების მოპოვება, ამიტომ რთული მატჩი იქნება.

დაბალი ლიგის გუნდთან თამაშისას ყველაფერი განსხვავებულია - მოედანი, საფარი. მოთამაშეთათვის რთულია ასეთ პირობებში მატჩისთვის მომზადება, განსაკუთრებით მაშინ, როცა საშობაო პერიოდში ასეთი გადატვირთული გრაფიკი გაქვს გამოვლილი."


წყარო: manutd.com