ახალგაზრდა მარცხენა მცველი მოხარულია მოედანზე დაბრუნებით და იმედოვნებს ტრავმები აღარ შეაწუხებს, ფორმის აღდგენაში კი მისი აზრით მას დიდი სათამაშო დაეხმარება.
"როდესაც "ბრიტანიას" სტუმრობ წინასწარ იცი რომ დიდი ბრძოლა გელის, უამრავი ჩაწოდებებით და მაღალი პასებით. ამიტომ ეს ჩემთვის დიდი გამოცდა იყო."- განაცხადა შოუმ.
"ჩვენ ყოველთვის გვსურს ქულების მაქსიმალური რაოდენობის აღება, როდესაც სახლისგან შორს ვთამაშობთ. გუშინ ეს ვერ შევძელით, ვფიქრობ ჩვენი დღე არ იყო, თუმცა ახლა შემდეგ თამაშზე უნდა ვიფიქროთ ["იოველთან" გასვლითი შეხვედრა, FA-ს თასზე].
ახლა მე სათამაშო დრო მჭირდება, მე 60 წუთი მომეცა "სტოკთან", თუმცა ეს ყველაფერი წინასწარ შეთანხმებული იყო. რომ შემძლებოდა არანაირად არ დავჯერდებოდი ამას, თუმცა ამ ეტაპზე ესეც საკმარისია. ამ ეტაპზე მიყოლებით რამდენიმე შეხვედრის ჩატარება, ჩემთვის ძალიან მნიშვნელოვანია.
ძალიან სასიამოვნო იყო იმის ყურება, თუ როგორ კარგად თამაშობდა გუნდი (ჩემს არ ყოფნაში), თუმცა ახლა მე მზად ვარ და მინდა გუნდს დავეხმარო.
მე დიდი კონკურენცია მაქვს და ვფიქრობ ეს ეშლი იანგის კარგი თამაშის დამსახურებაა. ის შესანიშნავი იყო, ერთ-ერთი მთავარი მიზეზი გუნდის წარმატებისა. იანგი ძალიან სწუხს ტრავმის გამო, ვიმედოვნებთ სერიოზული არაფერია და მალე დაგვიბრუნდება. იმედი მაქვს დაბრუნდება და გააგრძელებს კარგ თამაშს."