სტანდარტული მდგომარეობა

სტანდარტული მდგომარეობები დღევანდელი "იუნაიტედის" აქილევსის ქუსლია, "სტოკ სიტის" შემთხვევა კი ნამდვილი კოშმარი იყო.

ბევრს გაუხარდა, როდესაც ბოიანის არ ყოფნის შესახებ გახდა ცნობილი, რადგან ესპანელი მართლაც "მეთუნების" ერთ-ერთი ლიდერია, თუმცა პირველი შეხვედრისგან განსხვავებით პიტერ კრაუჩმა მატჩი სასტარტოში დაიწყო, რაც "იუნაიტედის" მცველებისთვის დიდი გამოცდა იყო.

კლასიკური გოლი უკვე მეორე წუთზე გავიდა.

აი ასეთი "ჰამბურგერი" შეიქმნა კუთხურის ჩამოწოდებამდე. ნათელია, რომ ასეთ შემთხვევაში მცველებმა უნდა გაინაწილონ შემტევები. ამ შემთხვევას თუ განვიხილავთ, ასეთ დუეტებს მივიღებთ: ჯონსი-შოუკროსი, შოუ-დიუფი, სმოლინგი-კრაუჩი.



თითქოს ერთი შეხედვით გაიფიქრებთ, რომ შოუ პასუხისმგებელია კრაუჩზე და სწორედ მან დაკარგა პოზიცია, თუმცა თუ მომენტს განმეორებით ვნახავთ - ლუკი დიუფის მოძრაობას აკონტროლებს, სწორედ ამიტომაც არ იბრძვის ბურთისთვის. ელემენტარული ლოგიკითაც ცხადია, რომ დაბალი ინგლისელი ვერაფერს გახდებოდა ახლახ თანამემამულესან. ამ აზრს ისიც ამყარებს, რომ ყველა სხვა სტანდარტისას პიტერის მეურვე სწორედ კრისი იყო.



გამოდის რომ, კუთხურის დროს კრის სმოლინგმა ვერ მოახერხა ბურთზე თამაში, რითაც ისარგებლა კრაუჩმა და გააკეთა ძალიან კარგი პასი თანაგუნდელზე.

ამ ეპიზოდში ნაკლები დანაშაული არც ჯონსს მიუძღვის, რომელმაც მიატოვა კართან ძალიან ახლოს მყოფი შოუკროსი.



აღსანიშნავია ისიც რომ, ეს უცნაური "ჰამბურგერი" ყოველი კუთხურის დროს იქმნებოდა და "ზედა პურის" როლს ყოველთვის პიტერ კრაუჩი თამაშობდა. უნდა ვივარაუდოთ რომ, სტანდარტის ასეთი გათამაშება ვარჯიშებზე კარგად დამუშავებული კომბინაციაა და იყენებენ მაშინ, როდესაც მოედანზე ეს გიგანტია.



რთულია, რომელიმე "იუნაიტედის" ფეხბურთელი დაადანაშაულო კრაუჩთან მეორე სართულზე ბრძოლის წაგების გამო, თუმცა სახიფათო მომენტები მთელი გუნდის სუსტი და შეუხმატკბილებელმა მოქმედებებმა გამოიწვია. თუკი მოთამაშეები მეტოქეს იდივიდუალურად იყვანენ, მაშინ მათ ბოლომდე უნდა იბრძოლონ და არ გამოეთიშონ ეპიზოდს.

სტანდარტები "ეშმაკებიშთვის" ისეთივე კატასტროფაა, როგორც ტრავმები.

სხვა სტანდარტულების განხილვა არც ღირს, რადგან ყოველ მათგანს ერთი შედეგი ჰქონდა: პასი კრაუჩზე - მისი მოგებული თავური და პასი თანაგუნდელს - სახიფათო დარტყმა. "სტოკ სიტიმ" მეტოქეს თამაშიდან სხვა ვერაფერი შესთავაზა, თუ რა თქმა უნდა, არ ჩავთვლით ჯონი ევანსის ეპიზოდს, რომელიც სულ სხვა ისტორიაა...

ჯონი ევანსი

სმოლინგის და ჯონსის დადანაშაულების შემდეგ, არ შემიძლია გვერდი ავუარო მომენტის სხვა გმირებს, ვისმა ქმედებებმაც მოიტანა კუთხური საკუთარ კართან.

აუტის ჩამოწოდების დროს, "იუნაიტედის" საჯარიმოში უოლტერსს ჯონი ევანსი ეთამაშება. ასევე იქვეა მაიკლ კერიკი.



თუმცა "სტოკ სიტის" ნახევარმცველი იმდენად მაღალი დონის მოთამაშე აღმოჩნდა, რომ მან შეძლო დაიძვრინა თავი ორივესგან, მიიღო ბურთი და გააკეთა პასი ფლანგზე, რაც შემდეგ უკვე კუთხური მოჰყვა.



შეიძლება ვინმე თქვას, რომ ეს ცილის წამებაა, თუმცა ფაქტია რომ, "იუნაიტედის" მცველმა, რომელიც ინდივიდუალურად თამაშობდა მეტოქის წინააღმდეგ, მისცა მას საშუალება თავისუფლად მიეღო ბურთი და გაეკეთებინა ზუსტი პასი, რაც დამეთანხმებით მცველის ტოკ-კლასს ნამდვილად არ აჩვენებს.



კლასიკა კი, ჯონი ევანსმა მე-19 წუთზე შემოგვთავაზა.





ხვალ ევანსის დაბადებისდღეა და რასაკვირველია ჩვენ ვულოცავთ მას ამ დღეს, თუმცა ვუსურვებთ ზაფხულში სხვა გუნდი მოძებნოს.

ფალკაო. ვან პერსი. ცვლილებები

გულშემატკივართა უმრავლესობა ძალიან გააკვირვა და ამავდროულად გააბრაზა ვან გაალის ქმედებამ, რომელმაც 64-ე წუთზე მოედნიდან რადამელ ფალკაო გაიყვანა. მათი აზრით ლოგიკური იყო თამაშიდან ვან პერსის გამოთიშვა და არა გოლის ავტორის.

მოდით ეს მომენტი განვიხილოთ.

თავიდან გადავავლოთ თვალი ფორვარდების ქმედებათა რუქას. რადამელ ფალკაომ 19 პასი გააკეთა, რომელთაგან 16 ზუსტი აღმოჩნდა. გაიტანა გოლი. ორჯერ დაარღვია თამაშის წესი, სამჯერ მოწინააღმდეგემ აიღო ფოლი მის წინააღმდეგ. რამდენიმე კარგი და ცუდი მოქმედება ორთაბრძოლებში.



რობინ ვან პერსის 11-დან 9 გადაცემა აღმოჩნდა ზუსტი. მანაც ორჯერ დაარღვია თამაშის წესი და სამი დუელიდან მხოლოდ ერთში იყო გამარჯვებული.



როგორც ხედავთ სტატისტიკა თითქმის იდენტურია და სუსტია.

ახლა კი ვნახოთ რა ხდებოდა თამაშში.

რადამელ ფალკაოს ქმედებები, უკან პასის დაბრუნების გარდა:

პირველ ტაიმი:

3:21 - ცუდად მიიღო ბურთი - დაკარგვა
3:44 - ცუდად მიიღო ბურთი - დაკარგვა
3:58 - მიიღო ბურთი თავისუფალ ზონაში - ჩააწოდა და ბურთი პირდაპირ ხელებში მისდის მეკარეს- დაკარგვა
9:25 - მიიღო ბურთი, კარგად მოტრიალდა და დაიწყო მოძრაობა კარისკენ, მაგრამ გააკეთა არაზუსტი პასი ვან პესიზე - დაკარგვა
13:45 - ცუდად მიიღო ბურთი - დაკარგვა
25:50 - ფალკაომ გაიტანა გოლი კერიკის პასის შემდეგ

მეორე ტაიმი:

46:06 - ცუდად მიიღო ბურთი, რის გამოც თამაშის წესების დარღვევა მოუხდა - დაკარგვა
47:48 - იღებს ბურთს შეტევაში - დაკარგვა
56:57 - გრძელი პასი ფალკაოზე. მცველთან ორთაბრძოლის შემდეგ პასს უკეთებს იანგს
58:40 - იღებს ბურთს შეტევაში, მცველი არღვევს წესებს. სახიფათო ჯარიმა.
60:50 - მიიღო მონაწილეობა შეტევაში, ერთი შეხებით მიაწოდა ბურთი შოუს
64-ე წუთი ანდერ ერერამ შეცვალა.



რობინ ვან პერსის ქმედებები, უკან პასის დაბრუნების გარდა:

25:17 - ევანსმა ცუდი პასი გააკეთა, თუმცა ვან პერსიმ მოახერხა ბურთისთვის ბრძოლა და მოიპოვა კუთხური.
52:20 - წინ პასი ვან პერსიზე, ჰოლანდიელმა მიიღო ბურთი და გადააწოდა რუნის.

ფალკაოს გასვლის შემდეგ:

66:45 - ხუან მატას პასი ვან პერსიზე, რთულ მდგომარეობაში ჰოლანდიელი იღებს ბურთს და ცოტა დაკლდა გოლის გატანასთან.
78:38 - იანუზაის კარის გასწვრივ ჩაწოდების შემდეგ მცველთან ორთაბრძოლაში შეძლო და დაარტყა, თუმცა ვერ მოახვედრა კარის ჩარჩოში.



ამ მომენტებიდან ხედავთ რომ თამაში უმეტესად ფალკაოზე მიდის, თუმცა პირველ ტაიმში კოლუმბიელის აქტიურობას უმეტესად ბურთის დაკარგვა მოსდევდა. აუცილებლად უნდა ავღნიშნოთ ისიც რომ, რადამელმა შეძლო და რთულ სიტუაციაში მოახერხა და აღადგინა წონასწორობა.

მეორე ნახევარში სამხრეთ-ამერიკელი გაცილებით უკეთ გამოიყურებოდა, აღარ კარგავდა ისე ხშირად ბურთს და სახიფათო ჯარიმაც მოიპოვა.

რაც შეეხება პერსის, ის უმეტესად გუნდის თამაშზე დამოკიდებული მოთამაშეა.

თვალსაჩინოებისთვის შემტევი ოთხეული შეგვიძლია გავამწესოთ როგორც კიბეები:



ფალკაო და რუნი იხევენ უკან, რათა დაშალონ მეტოქის მწყობრი დაცვა და ამიტომ უფრო ხშირად იღებენ ბურთს, ვან პერსი და მატა კი ასეთ შემთხვევაში უფრო დამოკიდებული ფეხბურთელები არიან. ამიტომ, როდესაც რუნი-მატას და ფალკაო-ვან პერსის ურთიერთქმედება დაბალ დონეზეა, გუნდის შეტევაც სუსტად გამოიყურება. რაც შეეხება რუნის თამაშს, ისიც ფალკაოს მსგავსად ძალიან ხშირად კარგავდა ბურთს, რამაც საბოლოოდ გამოიწვია მომენტების სიმცირე.

რა თქმა უნდა, არც მატას და ვან პერსის ჩაუტარებიათ საოცარი მატჩი, თუმცა მიკრო ეპიზოდებში თანაგუნდელებზე გაცილებით უკეთ გამოიყურებოდნენ.

ამ გადმოსახედიდან რადამელის შეცლა ძალიანაც ლოგიკური ჩანს. თანაც არ დაგვავიწყდეს, რომ მწვრთნელი ჩვენზე უკეთ ხედავს ყველაფერს. მენეჯერის დადანაშაულება ან შექება გარკვეული გადაწყვეტილებების გამო ეს უკვე ნდობის საკითხია.

შედეგები

ორი ფრე მიყოლებით ნამდვილად არ არის მაქსიმუმი "იუნაიტედისთვის", თუმცა ყურების ჩამოყრაც არ ღირს. მეტოქეები ნამდვილად სერიოზულები იყვნენ, "ტოტენჰემმა" გუშინ დაამტკიცა თუ რა შეუძლია, როდესაც საკუთრ მოედანზე "ჩელსისგან" არაფერი დატოვა, ხოლო "ბრიტანიაზე" თამაში ყველას ძალიან უჭირს.

ორი ფრე სერიოზულ მეტოქეებთან, ყველა იმ პრობლემის გათვალისწინებით რაც "იუნაიტედს" აქვს და წაუგებელი სერიის გაგრძელება - ეს კარგი რეზულტატია. წინ გუნდს საშინაო შეხვედრები აქვს "საუთჰემტონთან", "ლესტერთან", "ბარნლისთან" და "სანდერლენდთან" ასევე გასვლაზე "ქუინს პარკთან", "ვესტ ჰემთან" და "სუონსისთან".

რა თქმა უნდა, ყველა მატჩს ვერ ჩავთვლით გასეირნებად, თუმცა ეს სეზონის ის პერიოდია, სადაც "იუნაიტედს" შეუძლია მაქსიმალური ქულების დაგროვება და ლიდერებთან კიდევ უფრო მიახლოვება. შესაძლოა ამ შეხვედრების შემდეგ უკვე ცხადი გახდეს იბრძოლებენ თუ არა წითლები ჩემპიონობისთვის.


წყარო: carrick.ru