ჯონი ევანსი თვლის, რომ "სტოკ სიტისა" და "მანჩესტერ იუნაიტედის" მატჩში ერთი ქულა ორივე გუნდმა დაიმსახურა და აცხადებს, რომ მისმა კლუბმა დიდი ბრძოლა გადაიტანა.

"ვერ ვითამაშეთ ისე კარგად, როგორც ბოლო მატჩებში. აქ ჩამოსვლა რთულია და ამინდი კიდევ უფრო ართულებდა თამაშს, განსაკუთრებით, მეორე ტაიმში, როცა ქარი ჩვენ საწინააღმდეგოდ ქროდა. ასე რომ, შეიძლება ითქვას, ფრე სამართლიანი შედეგია."

"არ არის კარგი გოლის ადრე გაშვება, მაგრამ ვფიქრობ, პირველი ტაიმის მიწურულს კარგად ვითამაშეთ, თამაშს ვაკონტროლებდით და გოლიც დავიმსახურეთ."

მასპინძლებს შეეძლოთ ორ ბურთიანი უპირატესობით გასულიყვნენ წინ, როცა მამე ბირამ დიუფმა ჯონი ევანსს ბურთი წაართვა და მცველის ფეხებს შორის გატარების შემდეგ მეკარის პირისპირ დარჩა, მაგრამ დიუფმა კარს ააცილა. "ვფიქრობ, ყველამ შვებით ამოისუნთქა, განსაკუთრებით მე!"

"რთული პირობები იყო და ჰაერში მყოფ ბურთს ქარი უშლიდა ხელს, ასე რომ, მიმართულების გამოცნობა რთული იყო. როცა ბურთი ჩემი თავის სიმაღლეზე ავიდა, ვფიქრობდი, რომ თავზე მომხვდებოდა, მაგრამ შემდეგ ცოტათი წინ წავიდა. უკეთესად უნდა მემოქმედა, მაგრამ გამიხარდა, როცა დავინახე, რომ ბურთი კარს ასცდა." - განაცხადა ევანსმა.

წყარო: manutd.com