1 იანვარს სატრანსფერო ფანჯარა გაიხსნა, შესაბამისად კლუბები უკვე იწყებენ ახალი ფეხბურთელების შეძენას.

პორტუგალიური წყაროების თანახმად ინგლისურ გრანდს, "მანჩესტერ იუნაიტედს" ლუიშ ნანის დაბრუნება სურს. შეგახსენებთ, რომ ნანი იჯარით "სპორტინგში" იმყოფება და კონტრაქტის თანახმად სეზონი სწორედ პორტუგალიურ კლუბში უნდა ჩაამთავროს.

მიუხედავად ამისა "იუნაიტედი" მზადაა გადაუხადოს "სპორტინგს" ჯარიმა, რადგანაც ზამთარში შესაძლო დაბრუნების პუნტქი კონტრაქტში არ იყო. წყაროს თანახმად ვან გაალი კვლავ 4-4-2-ს გამოყენებას აპირებს და სწორედ ამიტომ გადაწყვიტა ჰოლანდიელმა თავკაცმა ლუიშ ნანის დაბრუნება.

მეორე მხრივ ნანის ბრწყინვალე თამაშიც აძლევს ვან გაალს მისი დაბრუნების საშუალებას. მიუხედავად ამისა "სპორტინგს" არ სურს ნანის გაშვება და ყველანაირად ცდილობს 28 წლის ვინგერი კლუბიდან არ გაუშვან.

"სპორტინგის" პრეზიდენტმაც ბევრჯერ გააკეთა კომენტარი ამ თემასთან დაკავშირებით.

"ნანი ჩვენთვის ძალიან მნიშვნელოვანი მოთამაშეა. მან ყველას დაუმტკიცა, რომ მაღალი დონის მოთამაშეა და ახლა "იუნაიტედს" რა თქმა უნდა მისი დაბრუნება სურს.

ჩვენ ყველაფერს გავაკეთებთ იმისათვის, რომ ნანი ჩვენთან დარჩეს, თუმცა გადაწყვეტილება თავად ლუიშმა უნდა მიიღოს. ჩვენ ყველანი ველოდებით მის გადაწყვეტილებას." - განაცხადა ბრუნო დე კარვალიომ.

წყარო: Sporting.pt