არგენტინელი ვინგერი დიდხნიანი პაუზის შემდეგ მოედანს "ვილა პარკზე" დაუბრუნდა და მატჩის ბოლო ნახევარი საათიც ჩაატარა, თითქოს ყველაფერი უკეთესობისკენ მიდიოდა და ანხელი სასტარტოში ადგილს სულ მალე დაიბრუნდებდა, თუმცა "ნიუკასლთან" საშინაო მატჩის წინა ვარჯიშზე მან ახალი დაზიანება მიიღო და ისევ ტრავმირებულთა სიაში ჩაეწერა. სამშაბათს, ჟურნალისტებთან საუბრისას ჰოლანდიელმა სპეციალისტმა გაამხილა, რომ სამხრეთ-ამერიკელი ვარჯიშს სულ მალე დაუბრუნდებ:

"ის ბრუნდება, ვფიქრობ ამ კვირაში უკვე შეძლებს ჩვენთან ერთად ვარჯიშს. ტრავმა სერიოზული არ არის და მე ეს უკვე ვთქვი."

2015-წლის პირველ მატჩს "იუნაიტედი" "ბრიტანია სტეიდიუმზე" გამართავს და ადგილობრივ "სტოკ სიტის" დაუპირისპირდება, ვან გაალის და მისი შეგირდები ეცდებიან ლიდერებთან მინიმუმ სხვაობა შეინარჩუნონ.

ლიდერებმა მე-19 ტურში ქულები დაკარგეს, თუმცა ამით "ეშმაკებმა" ვერ ისარგებლეს და "დეზებთან" მხოლოდ ფრეს დაჯერდნენ, ჰოლანდიელმა კომენტარი ამაზეც გააკეთა: "პირადად ჩემთვის, ჩემი გუნდის შედეგები და თამაში უფრო მნიშვნელოვანია, ვიდრე ოპონენტების ჩავარდნა, მიუხედავად იმისა რომ, სპორტში ყველაფერი შედარებითია."

კითხვაზე, აქვს თუ არა უფლება "იუნაიტედს" კიდევ დაკარგოს ქულები, ლუიმ ასეთი პასუხი გასცა:

"ეს "სიტიზე" და "ჩელსიზეა" დამოკიდებული, რადგან მხოლოდ ეს ორი გუნდია ჩვენზე წინ. ბოლო სამ მატჩში -"ასტონ ვილა", "ნიუკასლი", "ტოტენჰემი" - ჩემი აზრით, 9 ქულა უნდა აგვეღო, თუმცა მხოლოდ 5 მივიღეთ, ამიტომ წინასწარ ლაპარაკი რთულია. ყოველთვის მაქსიმუმი უნდა გააკეთო, რადგან არ იყო სხვაზე დამოკიდებული.

მხოლოდ საკუთარი მატჩით უნდა იყო შეწუხებული, მხოლოდ მომავალ მეტოქეზე უნდა ფიქრობდე. ყველა მოთამაშე ასე უნდა მოიქცეს, დაიწყოს თამაში უკვე საწოლში დაწოლის მომენტიდან."



წყარო: manutd.com