მას შემდეგ რაც ლუკ შოუმ "არსენალთან" გასვით შეხვედრაში დაზიანება მიიღო და შესაცვლელი გახდა, მისი ადგილი ეშლი იანგმა დაიკავა. შეგვიძლია თამამად ვთქვათ ინგლისელმა თანამემამულე კარგად შეცვალა და ერთ-ერთი შეუცველელი მოთამაშეც გახდა.
იანგმა ბევრი დასამახსოვრებელი მომენტი გვაჩუქა ამ მცირე მონაკვეთში, თუნდაც მისი ბოლო წუთებზე კარის ხაზიდან გამოტანილი ბურთი, "სტოკის" წინააღმდეგ გამართულ შეხვედრაში, ასევე საგოლე გადაცემა, რომლის შემდეგაც რადამელ ფალკაომ "ასტონ ვილას" კარი აიღო და კიდევ ბევრი სხვა.
"ისინი [იანგი და ვალენსია] ძალიან კარგად გამოიყურებოდნენ"- განუცხადა შოუმ MUTV-ს
"ვფიქრობ, მათმა კარგმა თამაშმა დიდწილად განაპირობა გუნდის წარმატება, განსაკუთერბით კი ეშლი იყო ძალიან კარგი.
ის მოედნის ორივე მხარეს ძალიან შედეგიანი იყო, ეხმარებოდა მცველებს და შეტევაშიც თავისი ჩაწოდებებით ამარაგებდა ფორვარდებს, ეს არის ის რამაც ძალიან მომხიბლა."
შოუმ მხოლოდ 8 მატჩში შეძლო მონაწილეობის მიღება, მისი კარიერა "იუნაიტედში" ტრავმების გამო ისე ვერ აეწყო, როგორც თავად სურდა. 19-წლის ინგლისელი 5-კვირიანი უქმობის შემდეგ მოედანს "ტოტენჰემთან" მატჩში დაუბრუნდა და პოზიტიურად არის განწყობილი.
"ახლა თავს მართლაც კარგად ვგრძნობ. ყოველთვის დიდი იმედგაცრუებაა, როდესაც მოშუშებულ ტრავმას ახალი ემატება.
სამწუხაროა - ჩემი მანჩესტერული კარიერა ჯერ ისეთი ნამდვილად ვერ არის როგორიც მსურდა.
დიდი იმედი მაქვს კარგ ფორმაში ჩავდგები და ლაზარეთში დაბრუნება აღარ მომიწევს, ძალიან მსურს გუნდს დავეხმარო და ეს რაც შეიძლება მალე მოხდეს."