31-12-2014, 20:52

ავტორი: RojoDiablo,

ნანახია: 1486,

კომენტარები: 5

ვან გაალი: "გასვლით მატჩებში უნდა მოვუმატოთ"

ლუი ვან გაალი გუნდს გასვლით მატჩებში დომინირებისკენ მოუწოდებს.

ლუი ვან გაალმა თავის ფეხბურთელებს მოუწოდა გასვლით მატჩებში უკეთესი შედეგები აჩვენონ და ეს ახალი წლის პირველ დღეს "სტოკ სიტისთან" მატჩით დაიწყონ.

"წითლები" "ბრიტანიაზე" 9 მატჩიანი წაუგებელი სერიით ჩადიან, მაგრამ უკანასკნელ ორ გასვლით შეხვედრაში ვან გაალის შეგირდებმა ფრე ითამაშეს "ასტონ ვილასა" და "ტოტენჰემის" წინააღმდეგ მატჩებში. "იუნაიტედმა" საშინაო მატჩებში შესაძლო 30-დან 25 ქულა აიღო მაშინ, როცა იგივე მაჩვენებელი გასვლით მატჩებში შესაძლო 27-დან მხოლოდ 11 ქულას უდრის.

სწორედ ამ სტატისტიკის გაუმჯობესება სურს ჰოლანდიელს და ამის გასაკეთებლად ის უახლოეს მატჩს გამოიყენებს.

"მახსოვს "სტოკის" წინააღმდეგ სახლში თამაში, სადაც მატჩის მიწურულს სუსტად გამოვიყურებოდით. შესაძლოა იმ მატჩის შემდეგ გამახსენეთ, რომ მე გუნდის ბალანსი უნდა შემეცვალა. ჩემი გუნდის ბალანსი მაშინ არ იყო იმდენად კარგი, რამდენადაც ახლაა."

"ყოველი კვირის შემდეგ იმას ვამბობ, რომ ვუმჯობესდებით და ეს "სტოკის" წინააღმდეგაც უნდა ვაჩვენოთ. ჩვენ "სუონსისა" და "ჩელსის" წინააღმდეგ გამართული შეხვედრების გარდა ყველა საშინაო მატჩი მოვიგეთ. ხოლო გასვლაზე მხოლოდ "არსენალი" და "საუთჰემპტონი" დავამარცხეთ. როგორც უკვე ვთქვი, "საუთჰემპტონის" წინააღმდეგ გაგვიმართლა."

"ჩვენ თითოეულ საშინაო შეხვედრაში უნდა ვდომინირებდეთ. რაიან გიგზმა მითხრა, რომ "სტოკ სიტის" სტადიონი სათამაშოდ ძალიან რთულია. ჩვენ უნდა ვაჩვენოთ, რომ დომინირება შეგვიძლია, მიუხედავად იმისა, რომ "სტოკში" თამაში რთულია." - განაცხადა ვან გაალმა.

წყარო: manutd.com

ინტერვიუები

5 კომენტარი

№1

ავტორი: LizarD

31 დეკემბერი 2014 21:01

სიახლეები: 8
კომენტარები: 1217

რთული თამაში იქნება, მაგრამ მგონია რომ მოიგებენ..

№2

ავტორი: RojoDiablo

31 დეკემბერი 2014 21:10

სიახლეები: 7065
კომენტარები: 8687

სახლში შენ ათამაშე ლუი და გასვლაზე მოიესი დავაბრუნოთ

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№3

ავტორი: GeorgeBest

31 დეკემბერი 2014 22:15

სიახლეები: 1729
კომენტარები: 12134

ტოტენჰემისგან განსხვავებით უკეთესი თამაში უნდა ვაჩვენოთ, მოსამზადებლად ჰქონდათ დრო და ისევ ისე არ გამოვლენ

მომენტები უნდა გამოვიყენოთ

№4

ავტორი: Z A C K™

31 დეკემბერი 2014 23:10

სიახლეები: 46
კომენტარები: 896

შარშან გასვლაზე ყველაზე კარგი შედეგი გვქონდა და წელს მარტო ორი მოგება გვაქ :/

_ _ _ _ _ _ _ _ _ _ _ _ _ _ _ _ _ _ _ _ I’ll always love you, Sir Alex.
Manager of my favorite club for my entire life.
Chewer of gum and winner of trophies, you’ll always be in our hearts.

№5

ავტორი: bziki

31 დეკემბერი 2014 23:24

სიახლეები: 0
კომენტარები: 1955

სტოკში სულ საშინელი ამინდია. თან ძალისხმიერ ფეხბურთს თამაშობენ და მაგრა გაგვიჭირდება. მაქსიმალურად ჯარმების გარეშე უდა იყომარონ თორე ყველა სტანდარტი ხიფათია ჩვენ კართან