"მანჩესტერ იუნაიტედის" მცველი, კრის სმოლინგი მოხარულია ტრავმის შემდეგ გუნდში დაბრუნებით და იმედოვნებს, რომ ახალ 2015 წელს გუნდის წარმატებაში მნიშვნელოვან როლს ითამაშებს.

კრის სმოლინგი "საუთჰემპტონთან" მატჩში მიღებული ტრავმის შემდეგ ვერ ახერხებდა თამაშს, მაგრამ გასულ მატჩში "ტოტენჰემის" წინააღმდეგ შეცვლაზე შევიდა და თავის გუნდს ერთი ქულის მოპოვებაში დაეხმარა.

"ტრავმა ძალიან სამწუხარო იყო, მაგრამ კარგია, რომ ცოტა დრო გამოვტოვე და იმედი მაქვს, გუნდში დაბრუნებას მოვახერხებ და დახმარებას შევძლებ."

"როცა ტრავმირებული ხარ, სამწუხარო დღეები გაქვს! რთულია იმის ხილვა, რომ სხვა მოთამაშეები სავარჯიშოდ არიან გასულები და შენ მხოლოდ შიგნიდან გიწევს მათი ყურება და რბილი ვარჯიშებით დაკავება. ვწუხდით - შენ სხვადასხვა ფაზებს გადიხარ, როცა ტრავმას არ იღებ და შემდეგ სამი ან ოთხი ერთად შეგემთხვევა. იმედი მაქვს ახალ წელს უფრო მეტი ფეხბურთელი იქნება ხელმისაწვდომი და მათ მნიშვნელოვან მატჩებში გამოვიყენებთ."

"რამდენიმე მცველმა მიიღო ერთად ტრავმა და ამის გამო სხვებისთვის შესაძლებლობის მიცემა წამაქეზებელი იყო. ფორმაციით, რომლითაც ჩვენ ვთამაშობთ, მოედანზე სამი ცენტრალური მცველი იმყოფება, ასე რომ, ჩვენ ახლოს ვართ და როცა მატჩების წინა დღეს ერთად ვართ, ვმუშაობთ."

"სეზონის დასაწყისი იმედის გამაცრუებელი იყო, მაგრამ ბოლო პერიოდში კარგი შედეგების მიღწევა დავიწყეთ. ჩვენ ზედიზედ რამდენიმე დიდებული გამარჯვება მოვიპოვეთ და სამწუხარო იყო, რომ "ტოტენჰემთან" ის შედეგი ვერ მივიღეთ, რასაც ვიმსახურებდით. იმედი მაქვს, როცა ყველა დაგვიბრუნდება, ჩვენ მდგრადობას შევიძენთ, რაც "მანჩესტერ იუნაიტედს" ყოველთვის ახასიათებდა - ვფიქრობ, ამას ვუახლოვდებით."

წყარო: manutd.com