დავიდ დე ხეამ თავისი ტრანსფორმაცია, გამხდარი მეკარისგან ერთ-ერთ საუკეთესო გოლკიპერამდე, კაპიტან ამერიკის გარდასახვას შეადარა.

დე ხეა "იუნაიტედს" 2011 წელს შეუერთდა 20 წლის ასაკში და პირველივე სეზონში ძალიან გაუჭირდა ადაპტაცია. პირველ ექვს თვეში ის მიუტევებელ შეცდომებსაც კი უშვებდა, მაგრამ 24 წლის მეკარე ახლა ამბობს რომ მაში "იუნაიტედის" თავკაცობამ კარგი გადაწყვეტილება მიიღო, როდესაც დავიდის ფიზიკური კონდიციების გაუმჯობესებაზე დაიწყო ზრუნვა.

კომიქსის გმირი, სტივ როჯერსი გახმდარი ბიჭისგან დაკუნთულ კაცად გარდაისახა და დე ხეა ხუმრობით ადარებს მის ტრანსფორმაციას ზემოთ აღნიშნულ გმირს. "ერთ წელში მე კაპიტან ამერიკის ბედი გავიზიარე." აცხადებს ესპანელი Manutd.com-თან ინტერვიუში.

"მე ახლაც ვვარჯიშობ, მაგრამ არა იმავე დატვირთვით. ახლა შედარებით ცოტას ვვარჯიშობ, მაგრამ დასაწისში გაცილებით მეტს ვშრომობდი და შედეგიც დიდი იყო."

დე ხეას ცხოვრობა ინგლისში მიუტევებელი შეცდომებით დაიწყო. ძალიან ცუდი სადებიუტო მატჩი "ქომუნითი შილდის" თამაშში და პრემიერ ლიგის სტარტზე მრავალი ბავშვური შეცდომა საბაბს გვაძლევდა იმისა, რომ ესპანელი კრიტიკის ქვეშ გვყოლოდა. ამასთან ერთად მან არ იცოდა სალაპარაკო ენა. მისი წინამორბედი, ედვინ ვან დერ საარი "ფულჰემში" 4 წლიანი ასპარეზობის შედეგად თავისუფლად ლაპარაკობდა ინგლისურად.

ახლა კი დავიდ ძალიან დამაჯერებლად საუბრობს ინგლისურად ინტერვიუების დროს. "ვფიქრობ რომ ყველაზე დიდ გავლენას გასახდელში ყოფნა ახდენს. შენ ენის ცოდნა მოედანზეც გჭირდება, მაგრამ გასახდელში უფრო მნიშვნელოვანია. ვფიქრობ რომ ის ფაქტი, რასაც ინტერვიუსების მიცემა ჰქვია, ძალიან დამეხმარა ენის ათვისებაში"

დე ხეას სტატისტიკა ბურთის დაჭერასა და მუშტით მოგერიებას შორის 56.3 პროცენტიდან (2011-2012) 91.7 პროცენტამდე (მიმდინარე სეზონი) გაიზარდა. ამ ფაქტზე ასევე ყურადღება გაამახვილა გარი ნევილმაც, რომელმაც დევიდის შეცდომას მიუტევებელი უწოდა 2 წლის წინ ტოტენჰემთან ბოლო წუთებზე გაშვებული გოლის გამო.

"შესაძლოა თქვენც შეამჩნიეთ, მე ყოველთვის ვცდილობ ბურთი ხელში დავიჭირო. ვარჯისის დროს ამაზე ბევრს ვმუშაობ, რადგან მეკარის პირველი ამოცანაა ბურთის ხელში ჩაგდება. როგორც უკვე ვთქვი, შეიძლება უკვე შენიშნეთ, მაგრამ მე ნამდვილად ვცდილობ ამ ყოველივეს." - დაასრულა დე ხეამ.

წყარო: Mirror