"არსენალის" ყოფილი მცველი, მარტინ კიოუნი თავის გრაფაში აღნიშნავს, რომ ლუი ვან გაალის გუნდი გრძელ გადაცემებს წარმატებით მიმართავს.

"ლუი ვან გაალის გუნდი აკეთებს იმას, რასაც არ აკეთებს პრემიერ ლიგის ლიდერთა ჯგუფის არც ერთი გუნდი - გრძელი გადაცემების ხშირად კეთება. მისი მცველები აპირებენ პირველივე შესაძლებლობის ხარჯზე მოძებნონ თავდასხმის ხაზის ფეხბურთელები და პირადად მე ეს ძალიან მომწონს. ჰოლანდიელ სპეციალისტს თავდასხმის შესანიშნავი ნაკრები ჰყავს. უეინ რუნი, რადამელ ფალკაო, რობინ ვან პერსი, ხუან მატა - თითოეულ მათგანს სჭირდება რაც შეიძლება ხშირად მოამარაგონ პასებით. მათ არავითარი აუცილებლობა არ აქვს მოედნის ცენტრში ბურთის შეჩერებისა, განსაკუთრებით თუ გავითვალისწინებთ იმას, რომ მათ რიგებში მხოლოდ ერთი მაღალი დონის შემსრულებელია - ეს მაიკლ კერიკია."

"ამ ტაქტიკამ შესანიშნავად გაამართლა "ტოტენჰემთან" მატჩში. ფალკაო ან ვან პერსი შესანიშნავად იგებენ საჰაერო ორთაბრძოლებს, შემდეგ კი ბურთს ხუან მატა ან უეინ რუნი ეუფლება, რომლებიც შეტევის გაგრძელების საუკეთესო ვარიანტს პოულობენ. ეს დაძაბულობას ხსნის "იუნაიტედის" მცველებსაც. ფილ ჯონსი, ჯონი ევანსი და პედი მაკნეირი სიამოვნებით ამჯობინებენ თავდამსხმელებისთვის გრძელი ჩაწოდებების განხორციელებას, ვიდრე თავიანთ საჯარიმოსთან რამის მოფიქრებას."

"ვან გაალის ლოგიკა მარტივია - ინგლისელი ფეხბურთელების ახლანდელი თაობა მიეჩვია, რომ მათ წინააღმდეგ ერთი ფორვარდი მოქმედებს. ამიტომ, როცა "იუნაიტედი" ორი თავდამსხმელით და კიდევ სიღრმიდან შემტევი ფეხბურთელებით უტევს, მათი დაცვა სირთულეებს განიცდის. წითელი ეშმაკები ახლა ამ ტაქტიკისგან დივიდენდს იღებენ. დარწმუნებული ვარ, რომ მომავალში სხვა კლუბებიც მიაქცევენ ამას ყურადღებას."

2014/15 წლების სეზონში გრძელი გადაცემების ლიდერები:

1) Burnley (1,485)
2) Manchester United (1,437)
3) Queens Park Rangers (1,401)
4) West Bromwich Albion (1,349)
5) Leicester City (1,348

გასული წლის ანალოგიური მაჩვენებელი:

1) Southampton (2,395)
2) Aston Villa (2,299)
3) Everton (2,239)
4) Fulham (2,180)
10) Manchester United (2,077)

წყარო: redevils.ru