ფაბიო კაპელოს მიაჩნია, რომ უეინ რუნის ნებისმიერ პოზიციაზე შეუძლია თამაში.
"მანჩესტერ იუნაიტედის" კაპიტანი ბოქსინგ დეიზე გამართულ შეხვედრაში ნახევარდაცვაში მოქმედებდა და "იუნაიტედის" ყოფილი ფეხბურთელის, პოლ სქოულზის შექებაც დაიმსახურა.
რუნის სათამაშო პოზიციის შესახებ დავა მიმდინარეობს - ერთნი ფიქრობენ, რომ ნაკრებშიც და კლუბშიც რუნიმ ნახევარდაცვაში უნდა გადაინაცვლოს და თავდასხმაში ადგილი ახალგაზრდებს დაუთმოს, ხოლო მეორენი ფიქრობენ, რომ რუნი ფორვარდის პოზიციაზე უნდა თამაშობდეს.
ინგლისის ნაკრების ყოფილმა მწვრთნელმა კი რუნის უნივერსალურობაზე გაამახვილა ყურადღება.
"რუნის ნებისმიერ პოზიციაზე შეუძლია თამაში."
"ის ფანტასტიური ფეხბურთელია. ჩემი ხელმძღვანელობის პერიოდში იგი თავდამსხმელის უკან თამაშობდა. ეს მართლაც კარგი იყო, რადგან მას სიტუაციის ხედვის კარგი უნარი ჰქონდა."
"ის ყოველთვის საუკეთესო გადაწყვეტილებას ირჩევდა და გოლებიც გაჰქონდა."
"კაპიტნად ისეთი ადამიანი გჭირდება, რომელიც მოედანზე მისაბაძი იქნება. ის მოედანზე ლიდერი უნდა იყოს და რუნი არის ლიდერი." - განაცხადა კაპელომ.