უეინ რუნის იმედი აქვს, რომ ხანგრძლივი დასვენება "მანჩესტერ იუნაიტედს" "სტოკ სიტისთან" მატჩში შესაბამის შედეგებს მოუტანს.
რუნი და კომპანია შეეცდება მომდევნო მატჩში წაუგებელი სერია გააგრძელოს და მათი რიცხვი 10 მატჩამდე აიყვანოს.
ამჯერად, ფეხბურთელებს გაცილებით მეტი დრო ექნებათ ფორმის აღსადგენად, ვიდრე ეს "ნიუკასლისა" და "ტოტენჰემის" მატჩების შუალედში ჰქონდათ.
"არ არის იოლი სამ დღეში ორი მატჩის ჩატარება. ორივე გუნდმა დაკარგა ხარისხი და მეორე ტაიმში ცუდი ფეხბურთი იხილეთ."
"ვფიქრობ, მომავალში განრიგი უნდა შეიცვალოს, რადგან რთულია და არავის სურს ამის გამო ტრავმის მიღება. ძალიან დამღლელია და ვფიქრობ მას ყურადღება უნდა მიექცეს."
"ეს რთულია გულშემატკივრისთვისაც, რომლებიც შობის პერიოდში მოგზაურობენ ისეთ ამინდში, როგორიც ბოლო დღეებში გვაქვს."
"მაგრამ რაც არის არის. ამას უნდა გავუმკლავდეთ. როგორც ფეხბურთელს, მინდა ვითამაშო და გუნდს მოგებაში დავეხმარო." - განაცხადა რუნიმ.