"წითლებმა" სამ დღეში ორი მატჩი ჩაატარეს, ერთი სახლში "ნიუკასლთან" და მეორე გასვლაზე "ტოტენჰემთან". ჯამში კი ოთხი ქულის მოპოვება მოახერხეს. თუმცა "ეშმაკუნებს" არ აკმაყოფილებთ ეს შედეგი და გულშემატკივარს მეტს ჰპირდებიან. მიუხედავად მეორე მატჩში დაკარგული ქულებისა, ისინი არ ივიწყებენ ფანების გვერდში დგომას და მადლობას უხდიან მათ.





დე ხეა: "ოლდ ტრაფორდზე" მოპოვებული დიდებული გამარჯვება საუკეთესო საშუალებაა "ბოქსინგ დეისგან" სიამოვნების მისაღებად. მადლობას გიხდით მხარდაჭერისათვის."



მატა: "ეს საუკეთესო გზაა "ბოქსინგ დეისგან" სიამოვნების მისაღებად. დიდებული გამარჯვება მოვიპოვეთ!"



პერსი: "ძალიან მნიშვნელოვანი გამარჯვება მოვიპოვეთ "ბოქსინგ დეიზე" "ნიუკასლის" წინააღმდეგ. მადლობას ვუხდი თითოეულ ადამიანს, რომელიც მოვიდა სტადიონზე და საერთოდ ყველა იმ "წითელ ეშმაკს" მსოფლიოს გარშემო, რომელიც ჩვენ მხარს გვიჭერდა".



რაფა: "დიდებული გრძნობაა უკან დაბრუნება. მე უბრალოდ მიყვარს ფეხბურთი. დიდებული შედეგი მოვიპოვეთ, ყოჩაღ ბიჭებო!"



რუნი: "კარგია, რომ გავიმარჯვეთ დღეს. ახლა კი დროა დავიწყოთ მზადება "ტოტენჰემისათვის".





დე ხეა: "მიუხედავად იმისა, რომ მეტოქის კარის დალაშქვრა ვერ მოვახერხეთ, მაინც კარგი თამაში გამოვიდა. ვეცდებით, რომ 2015 წელს ჩვენი შესაძლებლობების მაქსიმუმი გამოვავლინოთ. მადლობას გიხდით წლევანდელი თანადგომისათვის."



ფალკაო: "გუნდმა 90 წუთის განმავლობაში იბრძოლა გამარჯვებისათვის, მაგრამ, სამწუხაროდ, ჩვენ ვერ შევძელით მისი მოპოვება. ჩვენ განვაგრძობთ ბრძოლას ტრიუმფისათვის. ყოველთვის "იუნაიტედი".



მატა: "ეს არ არის ის შედეგი, რომელიც ჩვენ გვინდოდა... მაგრამ "უაით ჰარტ ლეინი" ყოველთვის რთული სტადიონია. მადლობას გიხდით მხარდაჭერისათვის".



რაფა: "ეს არ არის საუკეთესო შედეგი, მაგრამ ჩვენ წინ მივიწევთ და ვიმედოვნებთ, რომ მომავალ წელს უკეთესი შედეგები გვექნება. მადლობთ, რომ ყოველთვის ჩვენს გვერდში ხართ."



შოუ: "საოცარი გრძნობა იყო გუშინ სტადიონზე დაბრუნება. მადლობას გიხდით თქვენი გულშემატკივრობისათვის მთელი წლის განმავლობაში. რა თქმა უნდა, ეს არ არის ის შედეგი რაც ჩვენ გვინდოდა, მაგრამ ხუთშაბათს დავბრუნდებით."