ხუან მატას სჯერა რომ 2014 წლის წარმატებული დასასრული შესაძლოა მიზეზი იყოს იმისა, რომ მომდევნო წელი გამარჯვებით დაიწყოს გუნდმა, რომელიც "სტოკის" წინააღმდეგ, 1 იანვარს შედგება.

თავად ხუანი შესანიშნავად გამოიყურებოდა "სპურსთან" გამართულ მატჩსი, რომელიც 0-0 დასრულდა და გუნდმა 1 ქულა წამოიღო ოლდ ტრაფორდზე. მატა მთელი მატჩის განმავლობაში ორი ფორვარდის უკან მოქმედებდა და ესპანელ ფლეი-მეიქრს ცოტა დააკლდა რომ ჯარიმიდან გოლი გაეტანა. იგი მთელი მატჩის განმავლობაში შესანიშნავად აკონტროლებდა ბურთს და არღვევდა "მამლების" დაცვას. ფაქტი ერთია, რომ არა ჰუგო ლორისის შესანიშნავი სეივები, მატას გუნდელები პირველივე ტაიმში მოახერხებდნენ სამი ქულის წამოღებას "უაით ჰაერთ ლეინიდან".

ესპანელმა ნახევარმცველმა MUTV-სთან ინტერვიუში განაცხადა: "ვფიქრობ შესანიშნავი შანსები გვქონდა რომ მინიმუმ ორი გოლი გაგვეტანა. ჩვენ ვფიქრობდით რომ პირველივე ტაიმში გაგვეხსნა ანაგარიში. სწორედ ეს დაგვავალა ბოსმა. ჩვენ მოგებისთვის ვთამაშობდით და მგონი ეს ასეც გამოჩნდა, განსაკუთრებით პირველ ტაიმში, რომელშიც აშკარად უნდა გაგვეტანა."

როდესაც "იუნაიტედმა" უგოლოდ დაასრულა პირველი ტაიმი, მატამ აღიარა რომ მის მოწინააღმდეგე გუნდს უფრო მეტი შანსი ჰქონდა მატჩის მეორე ნახევარში. "მეორე ტაიმში ისინი უფრო მეტად მიმართავდნენ პრესინგს." აგრძელებს მატა. "ისინი უფრო მეტად შემტევ ფეხბურთს გვთავაზობდნენ და დე ხეა შესანიშნავ სეივებს აკეთებდა, როგორც ყოველთვის. მაგრამ ვფიქრობ რომ ორივე გუნდი დაიღალა და მეორე ტაიმი უფრო ნელი იყო, ვიდრე პირველი. უფრო გახსნილი თამაში წარიმართა. ვფიქრობ პირველ ტაიმში ჩვენ აუცილებლად უნდა გაგვეტანა."

მიუხედავად იმისა, რომ "იუნაიტედმა" ბოქსინგს დეის გამარჯვება ვერ გაიმეორა, მატა მაინც ფიქრობს რომ 2014 წლის დასასრული პოზიტიურ ასპექტში უნდა განვიხილოთ.

"ეს წელიწადის კარგი დასასრულია, კარგი შედეგებით. ძალიან დიდი დრო გავიდა მას შემდეგ რაც ჩვენ უკანასკნელად ვიგემეთ მარცხი და ჩვენ უნდა გავნაგრძოთ ისე თამაში, როგორც პირველ ტაიმში ვითამაშეთ. ეს დიდებული სანახავი იყო. ჩვენ ყოველთვის ვცდილობთ შედეგის მიღებას."

ესპანელი ნახევარმცველი მიიჩნევს, რომ მომდენო წლის თამაშები უფრო ადვილი განრიგით იქნება და სჯერა რომ მის გუნდს შეუძლია ნებისმეიერ მეტოქსეთან 3 ქულის მოპოვება. ""სტოკს" ძალიან რთული სტადიონი აქვს. იქ ყოველთვის ცივა და ქარია, მაგრამ ჩვენ მაინც შევეცდებით შინ სამი ქულით დაბრუნებას." დაასრულა მატამ.

წყარო: Manutd.com

როგორ შეაფასებით განვლილ წელს "იუნაიტედისთვის" ?

წარმატებული წელი იყო.

წარუმატებელი წელი იყო.

უკეთესს მოველოდი.

მიღწეულმა შედეგმა გამაკვირვა.

ხმის მიცემა შედეგები