"მანჩესტერ იუნაიტედის" მთავარი მწვრთნელი, ლუი ვან გაალი აცხადებს, რომ "ტოტენჰემთან" თამაშში მის მიერ განხორციელებული შეცვლები ფეხბურთელების სათამაშო ფორმამ და გადაღლილობამ გამოიწვია.
ვან გაალმა "უაით ჰართ ლეინზე" სამი შეცვლა განახორციელა და სამივე შემთხვევაში მოედანზე დაცვითი ფუნქციის ფეხბურთელი შევიდა. რაფაელ და სილვამ ანტონიო ვალენსია ჩაანაცვლა, კრის სმოლინგმა ჯონი ევანსი, ხოლო ლუკ შოუმ პედი მაკნეირი.
"მე ცვლილებები განახორციელე იმიტომ, რომ ფეხბურთელები გადაღლილები იყვნენ და არა იმიტომ, რომ ისინი ცუდად თამაშობდნენ. ცვლილებები უნდა გამაკეთებინა და მე უფრო მეტის შეცვლა უნდა შემეძლოს, რადგან თავდამსხმელები ფეხებს დაათრევდნენ."
"ფეხბურთელები გადაიღალნენ, რადგან 48 საათში ორჯერ ვითამაშეთ. მეცნიერულად დამტკიცებულია, რომ სხეული 2 დღეში აღდგენას ვერ ახერხებს და ამის შედეგები დღეს ვიხილეთ."
"ჯერ კიდევ გვყავს 4 ტრავმირებული და მარუან ფელაინი ავად არის. ანხელ დი მარია, დეილი ბლინდი, მარკოს როხო და ანდერ ერერა გვაკლია. მაგრამ ანდერი ამ კვირაში დაგვიბრუნდება." - განაცხადა ვან გაალმა.