"მანჩესტერ იუნაიტედის" ხელმძღვანელი, ლუი ვან გაალი აცხადებს, რომ მას შობის პერიოდში მატჩების განრიგი არ აკმაყოფილებს.
კვირას "იუნაიტედი" "ტოტენჰემს" ეწვევა და ეს მატჩი "ნიუკასლის" დამარცხების შემდეგ 48 სთ-ზე ნაკლებ დროში ჩატარდება.
ვან გაალი თვლის, რომ ასეთ პირობებში უბრალოდ შეუძლებელია გუნდის სათანადოდ მომზადება და პრემიერ ლიგის წესები FIFA-სა და UEFA-ს პრინციპებს არ შეესაბამება.
"FIFA-სა და UEFA-ს წესები კრძალავს 48 საათის განმავლობაში ორი მატჩის ჩატარებას. მაგრამ პრემიერ ლიგისთვის ეს ჩვეულებრივია."
"არ შემიძლია გუნდი სათანადოდ მოვამზადო. მატჩებს შორის ჩვენ გუნდური შეხვედრა გვაქვს და ფეხბურთელებს პირისპირ ველაპარაკებით, ორმხრივ მატჩებს ვთამაშობთ, მაგრამ ახლა უბრალოდ აღარ არის ამის დრო." - განაცხადა ვან გაალმა.