ხუან მატამ განაცხადა, რომ უეინ რუნის გვერდით თამაში მისთვის პრივილეგიაა.
რუნი "ნიუკასლთან" მატჩში შეხვედრის საუკეთესო ფეხბურთელად დასახელდა. კაპიტნის ანგარიშზე ორი გოლი და ერთი საგოლე გადაცემა გახლავთ.
თავდასხმელმა მოედნის სიღრმეში ითამაშა და მატას მიაჩნია, რომ რუნი ამ პოზიციისთვის კარგი კანდიდატია.
"ვფიქრობ, მას იქ თამაში შეუძლია, დიახ. მას შეუძლია თავდაცვა და თავდასხმა, შეუძლია პასის გაკეთება და საჯარიმოში შესვლით გოლის გატანა."
"ჩვენთვის ის ძალიან მნიშვნელოვანი ფეხბურთელია და ვფიქრობ "ვაზას" მსგავსი ფეხბურთელის გვერდით თამაში პრივილეგიაა." - განაცხადა მატამ.
რუნის მსგავსად სამივე გოლში მიიღო მონაწილეობა მატამაც.
"სიამოვნებას ვიღებ რუნის, ფალკაოსა და ვან პერსისთან ერთად თამაშით. როგორც თავდამსხმელები, ისინი ბევრ მოძრაობას გთავაზობენ, ასე რომ, შეგიძლია მათ პასი მიაწოდო."
"უბრალოდ გვინდა კარგად თამაში შევინარჩუნოთ. კვირას გასამართი შეხვედრისთვის ფიზიკურად მომზადება რთულია, მაგრამ მენტალურად მზად ვართ. დღეს და ხვალ ფორმას აღვიდგენთ და "ტოტენჰემს" მაქსიმალურ მყადყოფნაში შევხვდებით" - დაამატა მატამ.