ლუი ვან გაალმა ანხელ დი მარაის, "ნიუკასლის" წინააღმდეგ არ ყოფნის მიზეზი გაამხილა და ასევე სხვა ტრავმირებულ ფეხბურთელების მდგომარეობასაც შეეხო.
არგენტინელმა, რომელიც სულ რამდენიმე დღის წინ გამოჯანმრთელდა და დაუბრუნდა მოედანს ხელახალი დაზიანება მიიღო და ისევ ლაზარეთში გაემართა. მატჩის წინა პრეს-კონფერენციაზე მის შესახებ არეფერი ითქვა, ამიტომაც "კაჭკაჭებთან" მატჩში ანხელის განაცხადში არ ყოფნამ ბევრი გულშემატკივარი შეაშფოთა.
"დი მარიას დროზე ადრე მოუხდა ვარჯიშის დამთავრება"- განაცხადა ლუიმ. "ეს ჩემთვის დიდი სიურპრიზი იყო, რადგან იგი ძალიან ბევრს მუშაობდა ვარჯიშზე, თუმცა უკვე მიწურულს დაზიანება მიიღო და გამოგვაკლდა. დანამდვილებით ვერაფერს ვიტყვი სამედიცინო შემოწმებას უნდა დაველოდოთ."
მთლიანობაში ჰოლანდიელი სპეციალისტი პოზიტიურ განწყობაზეა, რადგან მისი ვარაუდით სულ რამდენიმე კვირაში გუნდს ერთდროულად ბევრი მოთამაშე დაუბრუნდება: მარკოს როხო, მარუან ფელაინი, ადნან იანუზაი და დეილი ბლინდი.
"დიახ ყველაფერი ნელ-ნელა თავის ადგილზე დგება. ცოტა არ იყოს უდროო დროს მოგვიწია გადატვირთულმა გრაფიკმა, თუმცა ეს არ გვაშინებს. რამდენიმე კვირაში ვფიქრობ ბევრი მოთამაშე დაუბრუნდება მოედანს.
იანუზაი ავად არის. ამ ვირუსმა ბევრი ფეხბურთელი შეაწუხა, თუმცა ადნანს ყველაზე მეტად გაუჭირდა მასთან ბრძოლა. ფელაინიც მის დღეშია... ალბათ ბელგიური ვირუსია! იქნება თუ არა მარუანი "ტოტენჰემთან"? არა, ბელგიელები არ იქნებიან. როხო სწრაფად მომჯობინდა ისევე როგორც სხვები, ბლინდიც ნელ-ნელა კრეფს ფორმას. დაახლოებით 2 კვირაში ის შეძლებს თამაშს. - დაასრულა ვან გაალმა.