"მანჩესტერ იუნაიტედის" ნახევარმცველი, ეშლი იანგი აცხადებს, რომ "ნიუკასლთან" მოპოვებული 3-1 გამარჯვება გუნდს თავდაჯერებულობას შესძენს.
ინგლისელი ფეხბურთელი ისევ მარცხენა მცველის პოზიციაზე თამაშობდა და მის გუნდს კიდევ ერთი სამი ქულის აღებაში დაეხმარა.
"ვფიქრობ, ვაჩვენეთ, რომ მათი წინსვლის შეჩერება გვინდოდა, განსაკუთრებით პირველ წუთებში. ეს გავაკეთეთ კიდეც. ის, თუ როგორ ვითამაშეთ და ვდომინირებდით, ფანტასტიური იყო. მხოლოდ იმით ვართ იმედგაცრუებულნი, რომ მათ გოლის გატანის საშუალება მივეცით და პენალტი მივიღეთ."
"ყოველთვის კარგია მოგებული გუნდის რიგებში ყოფნა. კარგია გამარჯვება. ჩვენ კარგად ვთამაშობთ და მოვლენებიც კარგად ვითარდება. ჩვენ მუხტი უნდა შევინარჩუნოთ და ვფიქრობ ვაჩვენეთ, თუ რამდენად კარგად ვმუშაობთ."
"როცა თავდაჯერებულად თამაშობ, შენ აჩვენებ არა მხოლოდ ინდივიდუალურად კარგად, არამედ გუნდურად. ფანტასტიურია ამ ყველაფერში მონაწილეობის მიღება. თუ სვლას ასევე გავაგრძელებთ, არ ვფიქრობ, რომ ბევრი გუნდი მოიძებნება, ვინც ჩვენს შეჩერებას შეძლებს."
"ახლა რთულ პერიოდში შევდივართ, ასე რომ, ძალიან მნიშვნელოვანია გამარჯვებების მოპოვება - განსაკუთრებით სახლში, მაგრამ გასვლაზეც. ვიცით, რომ წინ რთული მატჩები გველოდება, მაგრამ თითები გადააჯვარედინეთ, ჩვენ ბევრს ვიმუშავებთ და მუხტს შევინარჩუნებთ."
"შობა დღეს დასვენების შემდეგ განსაკუთრებით მნიშვნელოვანი იყო სამი ქულის აღება. ახლა რთული გასვლითი შეხვედრები გველოდება და უნდა დავრწმუნდეთ, რომ მათთვის სწორად მოვემზადებით. და დარწმუნებული ვარ, თუ მზად ვიქნებით, სამ ქულასაც ავიღებთ."