მსოფლიო ჩემპიონატზე თამაშისა და "მანჩესტერ იუნაიტედში" გადასვლის შემდეგ ოცნების ახდენით მარკოს როხო აცხადებს, რომ კარიერის საუკეთესო წლები აქვს.
"ყველაფერი კარგად მიდის. თავი ძალიან სწრაფად დავიმკვიდრე და ქალაქიც მომწონს. საფეხბურთო კლუბიც დიდებულია. თანაგუნდელებს კარგად ვეწყობი და ისინიც კარგად მექცევიან. და რაც უფრო მნიშვნელოვანია, ახლა მოგებების სერია გვაქვს და თითქმის თითოეულ შეხვედრაში ვიმარჯვებთ."
"კარგია, რომ რამდენიმე ჩვენგანი ერთდროულად მოვიდა კლუბში, რადგან ეს ნიშნავს, რომ ჩვენ ერთად უნდა ვისწავლოთ და ამავდროულად ერთად უნდა ვიმყოფებოდეთ. ინგლისურის გაკვეთილებზე დავდივართ და სწავლის დროს ბევრს ვიცინით."
"მართალია, ძალიან კარგი წელი მაქვს - ალბათ კარიერის საუკეთესო წელი. მსოფლიო ჩემპიონატზე თამაში და შემდეგ მის ფინალში გასვლა ყველასთვის ადვილი მისაღწევი არ არის. ძალიან გამიმართლა, რომ ბრაზილიაში მსოფლიო ჩემპიონატის ფინალში ვითამაშე და შემდეგ "მანჩესტერ იუნაიტედში" გადავედი. საოცარია იმ ფერების დაცვა, რომელიც მსოფლიო მასშტაბით ამდენი ადამიანისთვის ცნობილი და მნიშვნელოვანია." - განაცხადა როხომ.