"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ სერ ალექს ფერგიუსონის მეთოდებს არ მიმართავს, რათა მსაჯზე გავლენა მოახდინოს.

სერ ალექსი თავისი სამწვრთნელო კარიერის განმავლობაში თავის მაჯის საათს იყენებდა, რათა მისივე თქმით მოწინააღმდეგესა და მსაჯზე გავლენა მოეხდინა, თუმცა ვან გაალი აცხადებს, რომ სხვა ხერხს ამჯობინებს.

"არ ვფიქრობ, რომ მსაჯის გადაწყვეტილების შეცვლა შემიძლია. მწვრთნელად გახდომის პირველ წლებში ყველაფერს ვაკეთებდი, რაც შემეძლო, მაგრამ ახლა მშვიდად ვარ. ფიქრობთ, მსაჯები ფერგიუსონს უყურებდნენ? ასე ჩანდა ტელევიზორში: ყველა კამერა ფერგიუსონისკენ იყო მიმართული. მაგრამ არბიტრი ტელეეკრანს არ უყურებს. შესაძლოა მატჩის შემდგომ აკეთებს ამას, მაგრამ უკვე ვეღარაფერს შეცვლის."

ვან გაალი აცხადებს, რომ თამაშზე გავლენის მოხდენას ტაიმებს შორის 15 წუთიან შესვენებაზე ახერხებს, რისთვისაც მოთამაშეებთან გასაუბრებას მიმართავს. ჩანიშვნებს მატჩის მსვლელობის დროს აკეთებს, რათა თავისი დაკვირვების შედეგები ფეხბურთელებს გააცნოს.

"პირველი ტაიმის დროს ვწერ. შესვენებაზე შემიძლია ვთქვა ის, რაც თამაშზე გავლენას მოახდენს. მნიშვნელოვანია ფეხბურთელების მოედანზე არსებული მოვლენების მიმდევრობა უჩვენო, რადგან ზოგ მათგანს მომხდარის არსი არ ესმის. გუნდში მყავს ისეთებიც, ვინც თამაშს გრძნობს, მაგრამ მყავს სხვებიც: მათ თამაში ესმით ინდივიდუალურად და არა გუნდური თვალსაზრისით. აუცილებელია დაპირსიპირების მსვლელობაში ჩაერიო, მაგრამ გულშემატკივრის ხმაურის გამო ეს მხოლოდ შესვენებაზე შეიძლება." - განაცხადა ვან გაალმა.

წყარო: carrick.ru