პარასკევს "მანჩესტერ იუნაიტედი" "ოლდ ტრაფორდზე" "ნიუკასლს" უმასპინძლებს - ერთადერთ გუნდს, რომელმაც მიმდინარე სეზონში ლონდონის "ჩელსი" დაამარცხა. ლუი ვან გაალი ამ მატჩს სამწვრთნელო იდეების დაპირისპირებას უწოდებს.
ვან გაალს, რომელიც მოედნის კიდეს იშვიათად უახლოვდება, დაუპირისპირდება ალან პარდიუ, რომელიც მსაჯის ნებისმიერ გადაწყვეტილებაზე ემოციურად რეაგირებს.
"შევამჩნიე, რომ ყვირილი თამაშზე გავლენას არ ახდენს, ფეხბურთელებს შენი არ ესმით. იშვიათად ხდება ისე, რომ რომელიმე ცალკეულმა ფეხბურთელმა გაგიგოს. მაგრამ როცა ერთ პოზიციაზე ცვლილებას აკეთებ, ეს გუნდის მთლიან თამაშს ცვლის. ამიტომ მთელი კვირის განმავლობაში ფეხბურთელებს ვამზადებ სიტუაციისთვის, რომელიც მოედანზე სავარაუდოდ წარმოიშვება. ხანდახან არ გამოსდით, მაგრამ სწორედ ამისთვის არსებობს შესვენება და ცვლილებები."
"მოთამაშეს, რომელიც მოედანზე შედის, შეგიძლია გარკვეული დავალება მისცე, ის კი სხვებს გადასცემს. პრემიერ ლიგაში ქომაგები თავის გუნდს ძალიან ხმამაღალ მხარდაჭერას უცხადებენ, მოთამაშეს უბრალოდ არ ესმის მწვრთნელის მითითება. სწორედ ამიტომ ვზივარ ყოველთვის სკამზე. საჭიროა ფეხბურთელებს თამაშის დამოუკიდებლად წაკითხვა ასწავლო. ეს გაცილებით მნიშვნელოვანია."
"მათ შეუძლიათ დამოუკიდებელი გადაწყვეტილებები მიიღონ. ისე უნდა ასწავლო მათ, როგორც უფროსები პატარებს ასწავლიან. არ ვფიქრობ, რომ მატჩის შედეგზე მოედნის კიჩოდან ყვირილით გავლენას მოახდენ. ხანდახან ასეც ვიქცევი, მაგრამ ეს უფრო ემოციური აღშფოთებაა, ვიდრე მოთამაშისთვის მიცემული კონკრეტული ინსტრუქცია." - განაცხადა ვან გაალმა.