როცა მატა "მანჩესტერ იუნაიტედში" გადავიდა, მოლოდინი ძალიან დიდი იყო. უნდა ვაღიაროთ, დამსახურებულად. "იუნაიტედმა" ხომ იმ დროისთვის სარეკორდო თანხად ლიგის ერთ-ერთი საუკეთესო ფეხბურთელი შეიძინა, რომელიც თავის სტატუსს ორ წელიწად ნახევრის განმავლობაში ამტკციებდა. თუმცა, მატას ადაპტირებისთვის დრო დასჭირდა. მიუხედავად იმისა, რომ "კარდიფსა" და "სტოკთან" გამართულ თავის პირველ ორ შეხვედრაში მატამ საგოლე პასები გააკეთა, ის თავიდან ორგანიზებულად არ გამოიყურებოდა. ის უიმედოდ დააბიჯებდა მარჯვენა ფლანგზე დევიდ მოიესის 4-4-2 ტაქტიკის დროს და თამაშზე იგივე გავლენას ვერ ახდენდა, რასაც "სტემფორდ ბრიჯზე" ორი სეზონის განმავლობაში. როცა ვან პერსის ტრავმის გამო რამდენიმე შეხვედრის გამოტოვება მოუხდა, მატა ცენტრში შეიწია და უეინ რუნის უკან დადგა. მაშინ კი მთელი თავისი ნიჭი აჩვენა. ხუანი "ვესტ ჰემთან" გამართულ გასვლით შეხვედრაში ბრწყინავდა და უეინ რუნისთან და კაგავასთან ერთად კარგად კომბინირებდა. მომდენო შეხვედრა მანჩესტერული დერბი გახლდათ, რომელშიც მატა ისევ მარჯვენა ფლანგზე გადაიყვანეს. "სიტიმ" "ოლდ ტრაფორდზე" 3:0 გამარჯვება გაიფორმა.

შემდეგი შეხვედრა კი ესპანელის სეზონის შთამბეჭდავი დასასრულის დასაწყისი იყო. მატა რუნის უკან თამაშობდა და კაგავასთან ერთად "ასტონ ვილას" 4:1 განადგურებაში მიიღო მონაწილეობა, სადაც "იუნაიტედში" სადებიუტო გოლი გაიტანა. შემდეგ იყო "ნიუკასლი" გასვლით მატჩში. მატამ ორჯერ გაიტანა, "იუნაიტედმა" კი შესანიშნავი, სწრაფი, მოძრავი ფეხბურთი აჩვენა, რომელშიც მატა, კაგავა და იანუზაი ჩიჩარიტოს კარგად შეეგუენ. გარდა ორი გოლისა, მატამ ქუსლით დიდებული პასი გაუკეთა იანუზაის მეოთხე გოლის დროს.

რაიან გიგზის დროებითი მწვრთნელობის დროს მატამ პირველი მატჩი სათადარიგოზე დაიწყო, მაგრამ როგორც კი მოედანზე გავიდა, "ნორვიჩს" ორჯერ გაუტანა. სეზონის უკანასკნელ შეხვედრაში კი ესპანელმა "საუთჰემპტონს" გაუტანა. შარშანდელი სეზონის დასრულების შემდეგ და მიმდინარე სეზონის დაწყების წინ მოლოდინი დიდი იყო.

წინასასეზონო ტურნეს დროს ვან გაალი გუნდს 3-5-2 ტაქტიკით ათამაშებდა და ჩანდა, თითქოს ასეთი სქემა მატას წაადგებოდა, რომელსაც "ათიანის" როლს მოარგებდნენ და თავდამსხმელების უკან დადგებოდა. მაგრამ ფეხბურთელი იშვიათად იღებდა ბურთს და როცა ეს ხდებოდა, თამაშზე მინიმალურ გავლენას ახდენდა, ვიდრე სხვა შემტევი ჯგუფის დროს. "იუნაიტედი" ნელი და წინასწარმეტყველებადი გახდა, მასთან ერთად მატაც.

ანხელ დი მარიასა და რადამელ ფალკაოს გამოჩენის შემდეგ შემტევ ხაზში კონკურენცია გაიზარდა. თავდაპირველად ჩანდა, თითქოს მატა ზედმეტი იქნებოდა, რადგან ლუი ვან გაალი "რომბისებურ" 4-4-2-ზე გადავიდა, სადაც თავდასხმაში ვან პერსი და ფალკაო იქნებოდნენ, ხოლო რუნი მატას როლს მოირგებდა. მიუხედავად ამისა, ტრავმებმა და შედეგებით ვან გაალის უკმაყოფილებამ შემადგენლობაში მატას დაბრუნება გამოიწვია და ოქტომბრის შემდეგ თითქმის არ ამოვარდნილა. ამ პერიოდში ვან გაალმა მოასწრო კლასიკური 4-3-3, 3-5-2 და "რომბისებრი" 4-4-2 ტაქტიკების გამოცდა და როგორც ჩანს ფორმულის ძებნა ჯერ კიდევ მიმდინარეობს. მაგრამ, რაც მიმდინარე მშენებლობამ გვაჩვენა, ეს არის მატას თამაშის გასაოცარი მოქნილობა. ქვემოთ, ვეცდებით სქრინების საშუალებით აგიხსნათ ეს ყველაფერი, რომლისთვისაც შესაძლოა მატას ორ საუკეთესო მატჩს გამოვიყენებთ, "ჰალისა" და "ლივერპულის" წინააღმდეგ.

***

დი მარიას ნაადრევი ტრავმის შემდეგ სწორედ ასე განლაგდა "იუნაიტედი" "ჰალთან" მატჩში. "რომბი" ნახევარდაცვაში, თუმცა ეს სურათი ზუსტად არ უსვამს ხაზს, რადგან ერერა პრესინგს მიმართავს, მაგრამ მატას პოზიციას ნამდვილად შეამჩნევთ. მატა ყვითლად მონიშნულ ოთხ ფეხბურთელებს შორის ყველაზე მარცხნივ დგას და არა "ათიანის" პოზიციაზე, სადაც ერერას გამოჩენის შემდეგ მის გადასვლას ელოდნენ.



მატას გადმოსვლის შემდეგ პრობლემა რაც იყო, ეს არის წინ გარბენების უკმარისობა. კერიკთან ერთად მატას მთელ შემადგენლობაში მოედნის საუკეთესო ხედვა აქვს და საუკეთესო მეპასე გახლავთ. მის ირგვლივ და წინ გარბენების უკმარისობა მას ზღუდავს და თავისი საოცარი გადაცემებით მატჩზე გავლენას ვერ ახდენს. ზემოაღნიშნულ პოზიციაზე ხშირი აღმოჩენის შემთხვევაში, ის შესაძლებლობას იღებს ერთდროულად იმოქმედოს როგორც მატჩის აგებაზე (ცენტრალურ ზონაში გადაცემები), ისე მომენტების შექმნაზე (წინ გადაცემები). როცა ბურთს ფლობს და კარისკენ იყურება, ხოლო არსებობს ფეხბურთელი, რომელიც გარბენს აკეთებს, მას შეუძლია მოედნის თავისი ხედვა და ბურთის ფლობა გამოიყენოს, რათა პარტნიორი გადაცემით მოამარაგოს, ან უბრალოდ გუნდს ბურთის ფლობაში დაეხმაროს.



"ჰალთან" მატჩში ასეთი რამ ხშირად ხდებოდა, მატა ბურთს ფლობს და კარისკენ მიიწევს, წინ კი მორბენალი ფეხბურთელია. გასაკვირი სულაც არ არის, რომ იმ მატჩში მატამ 5 მომენტი შექმნა და 72 პასი გააკეთა, რომელთა 90% ზუსტი იყო.



რამდენიმე კვირით წინ გადავახვიოთ და "ლივერპულთან" თამაში განვიხილოთ, სადაც ვან გაალმა 3-5-2 ტაქტიკის გამოყენება სცადა. მატა უილსონისა და ვან პერსის უკან "ათიანის" პოზიციაზე თამაშობდა. მიუხედავად იმისა, რომ მატჩის ბოლოს ბურთის ფლობის უპირატესობა "იუნაიტედის" მხარეს იყო, მასპინძლები კონტრშეტევებზე თამაშობდნენ, რისთვისაც მატას გადაცემებსა და უილსონის სისწრაფეს იყენებდნენ. მატას წარმოდგენა განსაკუთრებით შესამჩნევი იყო მატჩის ბოლო მესამედში, როცა მან საგოლე გადაცემა გააკეთა და თავადაც გაიტანა.



"იუნაიტედის" მესამე გოლი იმის განსახიერებაა, თუ რამდენად კარგია მატა კონტრშეტევების დროს. "იუნაიტედმა" ბურთი თავისი საჯარიმოს სიახლოვეს წაართვა მოწინააღმდეგეს, მატამ წინსვლისთვის სივრცე იპოვა, სადაც პასი მიიღო და რუნის გადააწოდა, რომლის მიერ ვან პერსისთვის მიწოდებული გამჭოლი პასი ლოვრენმა შეაჩერა და ბურთი კვლავ მატას მიუვიდა.



ამ სურათზე მატა საჯარიმოს ხაზთან ახლოს ბურთს ფლობს და მისგან ყველა დარტყმას ელოდება, მაგრამ ხუანი დაუჯერებელ თავდაჭერილობასა და მოედნის ხედვას ავლენს და ვან პერსის მესამე გოლს ორგანიზებას უწევს.



თუ გჭირდებათ სურათი, რომელიც მატას გენიოსობას მაქსიმალურად გაზიარებთ, აი ისიც. პატარა ესპანელი ასულელებს ჯერარდს, შკრტელს, ლოვრენს და ვან პერსის "ბრმა პასს" უკეთებს. სიტყვებიც არ მყოფნის!



ბოლოს

"იუნაიტედის" ნელი დასაწყისის შემდეგ ხუან მატა თანდათან ახერხებს გუნდში თავის დამკვიდრებას და სტატისტიკა ამის დასტურია. 11 გოლი, 6 საგოლე გადაცემა პრემიერ ლიგის 28 მატჩში - ეს კარგი მაჩვენებელია, თუმცა საგოლე პასების უფრო დიდი რაოდენობაა სასურველი. დარწმუნებული ვარ, ისინიც არ დააყოვნებს, რადგან გუნდში ბევრი ისეთი ფეხბურთელი მოვიდა, რომელთაც გარბენის გაკეთება შეუძლიათ, რაც მატას გამჭოლი პასების გაკეთების საშუალებას მისცემს.

გამოიყენებენ მას ცენტრალურ ზონაში თუ "ათიანის" პოზიციაზე, მნიშვნელობა არ აქვს. მან აჩვენა, რომ ორივე პოზიციაზე კარგია. მაგრამ მოწინააღმდეგიდან გამომდინარე მიმაჩნია, რომ ცუდი არ იქნება ნახევარდაცვის სამეულში მისი გამოყენება. ხუან მატა ძალიან ჭკვიანი ფეხბურთელია და მისი უნივერსალურობა მას ლუი ვან გაალის "იუნაიტედში" თავის დამკვიდრების საშუალებას მისცემს.

წყარო: carrick.ru