"მანჩესტერ იუნაიტედის" ესპანელი მეკარე ზამთრის პერიოდით ტკბება და სეზონის ამ ნაწილს "იუნაიტედის" დაუმარცხებელი სერიის გაგრძელების საშუალებად მიიჩნევს.
"ყველაზე მნიშვნელოვანი მწვერვალისკენ მიმავალი გზის გაგრძელებაა. "როგორც პერსონალურად, ისე გუნდურად უნდა გავაგრძელოთ კარგი შედეგების ჩვენება."
"ჩვენთვის, ვინც სხვა ლიგიდან მოვიდა ცოტა უცნაურია ეს ყველაფერი, რადგან იქ ზამთარში, ან როგორც მინიმუმ ახალ წელსა თუ შობაზე შესვენება გვქონდა. ამავდროულად, ეს არის პერიოდი, რომლისგანაც სიამოვნებას იღებ. ეს სეზონის კარგი პერიოდია და მატჩები ყოველთვის ამაღელვებელი გამოდის."
"შენ მიჩვეული ხარ შობის ოჯახთან გატარებას, მაგრამ შესანიშნავად გესმის, რომ ბოქსინგ დეი ძალიან მნიშვნელოვანია მათთვის, ვინც მთელი წლის განმავლობაში მუშაობს და დეკემბრის ბოლოს მოუთმენლად ელოდება. სიამოვნებთ დასვენება და საყვარელი გუნდის თამაშის ყურება."
2012 წელს გამართული შეხვედრა, რომელშიც "მანჩესტერ იუნაიტედმა" ბოქსინგ დეიზე "ნიუკასლი" 4-3 დაამარცხა, დავიდ დე ხეას შესანიშნავად ახსოვს.
"რა თქმა უნდა მახსოვს ის თამაში - ძალიან, ძალიან ამაღელვებელი იყო. ჩემი თამაშით ისეთივე სიამოვნებას ვიღებ, როგორც კლუბში მოსვლის პირველივე დღიდან."
"მომდევნო თამაშიც ძალიან, ძალიან დიდი მატჩი იქნება. ეს ჩვენთვის მნიშვნელოვანია. მატჩს მოუთმენლად ველოდები. ჩვენ სახლში ვთამაშობთ, ასე რომ ჩვენი ქომაგის მხარდაჭერა გვექნება, ისევე როგორც ყოველთვის. კარგი იქნება სამი ქულის აღება და შედეგის გაგრძელება, რადგან მიმაჩნია, რომ ახლა საოცარ ფორმაში ვიმყოფებით."