"მანჩესტერ იუნაიტედის" კაპიტანი, უეინ რუნი მიიჩნევს, რომ რადამელ ფალკაო "ასტონ ვილასთან" გატანილ გოლზე არ გაჩერდება და კიდევ მოახერხებს უამრავი გოლის გატანას.

ფალკაო "მონაკოდან" იჯარის წესით "იუნაიტედში" გადასვლის შემდეგ ქომაგთა გულები მალევე მოიგო და წინა ტურის მატჩში "წითელ ეშმაკებს" ქულა მოუპოვა.

რუნის მიაჩნია, რომ ეს ფალკაოს ერთადერთი გოლი არ იქნება და კოლუმბიელი მრავალ მნიშვნელოვან გოლს გაიტანს.

"დიდებულია, რომ ფალკაომ გოლების გატანა დაიწყო და მის მიერ თავურით გატანილი გოლი ბრწყინვალე იყო. მიხარია მის გამო, მოწინააღმდეგის კარის აღებას მომავალშიც გააგრძელებს."

ლუი ვან გაალის შეგირდები Boxing Day-ზე "ნიუკასლს" მიიღებენ და უეინ რუნიმ გასულ წელს "კაჭკაჭებთან" განცდილი მარცხი გაიხსენა.

"მაშინ ეს დარტყმა იყო. გასულ წელს რამდენიმე წარუმატებელი შეხვედრა ჩავატარეთ სახლში. მაგრამ სასიხარულოა, რომ მიმდინარე წელს სახლში უკეთ გამოვიყურებით. ეს მნიშვნელოვანია, რადგან დარწმუნებულები უნდა ვიყოთ, რომ საშინაო მატჩების მოგება შეგვიძლია."

"ნიუკასლს" აღზევება და დაცემა აქვს განცდილი. მათ საშინლად დაიწყეს, რის გამოც შეიძლებოდა ალან პარდიუს ეგო პასუხი და იგი გაეძევებინათ. მიხარია, რომ ასე არ მოხდა და თუ არ ვცდები მას შემდეგ 5 თუ 6 გამარჯვება მოიპოვეს. შესაძლოა ბოლო რამდენიმე თამაშში მათ ვერ აიღეს იმდენი ქულა, რამდენსაც იმედოვნებდნენ, მაგრამ "ნიუკასლის" წინააღმდეგ თამაში ყოველთვის რთულია."

"არ ვფიქრობ, რომ "სანდერლენდთან" მარცხი დიდ გავლენას მოახდენს. რა თქმა უნდა რთულია დერბიში წაგება, განსაკუთრებით ბოლო წუთზე გოლის გაშვება, მაგრამ ისინი "ოლდ ტრაფორდზე" "მანჩესტერ იუნაიტედის" წინააღმდეგ სათამაშოდ ჩამოდიან და ამისთვის სრულ მყადყოფნაში იქნებიან. ვფიქრობ, ამ მატჩის მოსაგებად ყველაფრის ჩვენება მოგვიწევს, რაც შეგვიძლია." - განაცხადა რუნიმ.

წყარო: manutd.com