"მანჩესტერ იუნაიტედის" მთავარმა მწვრთნელმა, ლუი ვან გაალმა უარი განაცხადა ზაფხულში გარეტ ბეილის "მანჩესტერ იუნაიტედში" შესაძლო გადასვლის შესახებ კომენტარის გაკეთებაზე.
კითხვაზე, შესაძლებელია თუ არა ასეთი ტრანსფერი მოხდეს, ვან გაალმა უპასუხა: "არ ვაპირებ ასეთი საკითხები თქვენთან ერთად განვიხილო. ამას მხოლოდ ჩვენი გუნდის აღმასრულებელ დირექტორთან განვიხილავ და არა პრესასთან."
Sky Sports-ის ექსპერტმა, გილიემ ბალაგიემ კი განაცხადა, რომ ბეილის ტრანსფერი მისი კოლეგების გამონაგონია: "სიმართლის არავითარი ნატამალი არ არის "მანჩესტერ იუნაიტედისა" და ბეილის კავშირის შესახებ აგორებულ ჭორებში. შესაძლოა, ისინი მზად არიან ასეთი თანხა გადაიხადონ, მაგრამ "რეალი" ბეილს არ გაყიდის და გარეტი გაცილებით ბედნიერია მადრიდში, ვიდრე ეს ჩანს."