"მანჩესტერ იუნაიტედის" ყოფილი ფეხბურთელი, ოეუნ ჰარგრივზი მიიჩნევს, რომ მისმა ყოფილმა გუნდმა ჩემპიონატის ლიდერებთან. "სიტისა" და "ჩელსისთან" სრულფასოვანი კონკურენციისთვის გუნდი უნდა დააბალანსოს.

"ვფიქრობ, "იუნაიტედს" ესმის, რომ მას ჯერ არ შეუძლიათ ჩემპიონატის ორ ლიდერს ღირსერული კონკურენცია გაუწიოს. "ჩელსი" და "სიტი" შესანშნივად დაკომპლექტებული გუნდებია და მათ სუსტი წერტილები უბრალოდ არ აქვთ."

"მაიკლ კერიკი შესანიშნავად მუშაობს ცენტრში, მაგრამ მათ გაცილებით ძლიერი ფეხბურთელი სჭირდებათ, რომელსაც თამაშზე რეალური გავლენის მოხდენა შეეძლება. "იუნაიტედის" თამაშში ახლა ძალიან დაბალი სიჩქარეა."

"გუნდში ძალიან ბევრი დიდებული ფეხბურთელია - რუნი, ფალკაო, დი მარია, ვან პერსი. მაგრამ როგორ უნდა შეიყვანო ისინი ერთ შემადგენლობაში. სწორედ ამიტომ თამაშობს მარუან ფელაინი ასე ხშირად. მისი ტიპის ფეხბურთელი "იუნაიტედს" უბრალოდ სხვა არ ჰყავს. მათ სიძლიერე და ათლეტიზმი სჭირდებათ."

"გაიხსენეთ "იუნაიტედის" ის შემადგენლობა, რომლის წყალობითც გუნდი ევროპაში საუკეთესო გახდა. მათ ჰყავდათ უდიდესი მეკარე - ედვინ ვან დერ სარი, ორი ძლიერი ცენტრალური მცველი - რიო და ვიდიჩი, ორი ჭკვიანი ცენტრალური ნახევარმცველი - სქოულზი და კერიკი, კრეატიული მოთამაშე - კრიშტიანუ რონალდუ და ორი ფორვარდი - ტევესი და რუნი. "იუნაიტედს" დაბალანსება სჭირდება და ვან გაალს ეს ესმის." - განაცხადა ჰარგრივზმა.

წყარო: redevils.ru