Sky Sports-ის ექსპერტი, კრის კამარა მიიჩნევს, რომ ლუი ვან გაალმა შესაძლოა უეინ რუნი მუდმივად ნახევარდაცვაში ათამაშოს.
"მანჩესტერ იუნაიტედის" კაპიტანი "ლივერპულისა" და "ასტონ ვილას" წინააღმდეგ მატჩებში ნახევარმცველის პოზიციაზე თამაშობდა და მის ნაცვლად ვან გაალმა შეტევაში ჯეიმს უილსონი, რადამელ ფალკაო და რობინ ვან პერსი გამოიყენა.
კამარას მიაჩნია, რომ ეს ერთჯერადი ქმედება არ არის და შესაძლოა ვან გაალმა ასეთ გადაწყვეტილებას მომავალშიც მიმართოს.
"ლუი ვან გაალმა აღნიშნა, რომ "ასტონ ვილასთან" მისი გუნდი დომინირებდა, მაგრამ მათ აგრესიულობა აკლდათ. უეინ რუნი მოედნის ცენტრში იქნა გადაყვანილი, ეს კი იმას ნიშნავს, რომ ვან გაალს ორი ფორვარდით - რობინ ვან პერსითა და რადამელ ფალკაოთი სურს თამაში. ასეთ როლს ხანდახან სერ ალექს ფერგიუსონიც აკისრებდა რუნის და სავსებით შესაძლებელია, რომ რუნი ვან გაალის ხელმძღვანელობის ქვეშ ხშირად ვიხილოთ ამ პოზიციაზე."
"ამ სიტუაციამ როი ჰოჯსონს შესაძლოა საფიქრალი გაუჩინოს. ისიც მოინდომებს რუნის გადაყვანას მოედნის ცენტრში, რაც ნაკრებში ახალგაზრდა ფეხბურთელებს მისცემს თავის გამოჩენის საშუალებას." - განაცხადა ესპერტმა.