"ნიუკასლის" მცველი, სტივენ ტეილორი თვლის, რომ მის გუნდს "ოლდ ტრაფორდზე" "იუნაიტედთან" წარმატების მიღწევის ძალა შესწევს.
Boxing Day-ზე "მანჩესტერ იუნაიტედი" საშინაო არენაზე ალან პარდიუს გუნდს უმასპინძლებს და შეეცდება "ასტონ ვილასთან" დასრულებული მოგებათა სერია ხელახლა წამოიწყოს.
თუმცა ტეილორს მიაჩნია, რომ ამის გაკეთება "იუნაიტედს" ადვილად არ გამოუვა.
"ძალიან ვეცდებით "ოლდ ტრაფორდზე" წარმატებას მივაღწიოთ. რა თქმა უნდა, ეს რთული იქნება. უბრალოდ არც შეიძლება სხვა რამეს ელოდე, როცა შენ წინააღმდეგ უეინ რუნის, რობინ ვან პერსისა და ანხელ დი მარიას მსგავსი ფეხბურთელები თამაშობენ."
"მათ მოედნის ნებისმიერ მონაკვეთზე უმაღლესი დონის შემსრულებლები ჰყავთ, მაგრამ შევედებით ქულები დავაკარგვინოთ."
"არაერთხელ დაგვიმტკიცებია, რომ დიდი გუნდების წინააღმდეგ წარმატების მიღწევის უნარი გვაქვს. იმედი მაქვს, "ოლდ ტრაფორდზე" ქულების აღებას შევძლებთ და ეს ჩვენთვის მნიშვნელოვანი მომენტი იქნება." - განაცხადა ტეილორმა.